ZAWBÂ 1:5 - Mara Bible RV (BSI)

⁵ Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 1:5 ပူးပေါင်းရင်းမြစ်များ

ÂTHAONA 22:3

Abarahâ cha mydi kari ta thyu ta, alâ ky padia ta, a chakaotuhpa pano nata a sawchapawpa Aisika a hnohta a chhi ta. Raopa hlâna châta tho patlaw ta, thyu ta, Khazohpa ta a chhopa su lâ sie ta.

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

NEHEMIAH 12:30

Theihthaipazy nata Livai pathlazy cha a pathai ei ta, zawpizy nata chhikaozy nata thokhy chhao ama pathai.

ZAWBÂ 1:11

Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

ZAWBÂ 1:4

A sawchapawzy cha, pakha o tawhta pakha o lâ a pasiepa ta, âmo daihti chyu liata kyhchhina tao tyh ei ta. Ama sietanô pathôhzy lâta chyhsa tuah ei ta, ama hnohta niedo awpa ta ama hrua tyh.

ZAWBÂ 2:9

A lapinô ta a hnohta, “Na ngâchhihna cha tahmâ taihta â ipa ta na patu lymâ aw ma? Khazohpa chô liata chhiesa la, thi thla ha bâ mah y,” tah ta.

ZAWBÂ 27:10

Atotaotheipa liata â ly aw ma? Khazohpa cha khatino rai ta a pado aw ma?

ZAWBÂ 41:25

A kaw thyu nahta, Pasaiphazy chhao ta chi ei ta, A chheichahrie ti ei ta, Âmosasyh â pahno khao veih ei.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

ZAWBÂ 6:14

“Viasa chô liata phana a palâsa leipa cha, Atotaotheipa china a heihsaipa a châ.

ZAWBÂ 8:4

Na sawzy ta a chô liata ama vaw molei ha khiahta cha, Ama paraona vâta a pasapanô hapa ei a châ aw.

HLAZY 5:3

Hy Abeipa, my ta ei ao thei mah y, My ta nâma lâ thlahchhâ na ta, ei cha hâ.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

EZEKIA 14:14

chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

LUKA 1:75

Chavâta chi leipa ta ano chakao aw pi ta, Eima hro chhôh zydua ta, Pathaihpa nata siapa ta a hmiakô liata eima y thei aw.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

ZAWHÂNA 11:55

Zuzy Zawpakhô Kyhchhi a hnia ha ta. Zawpakhô Kyhchhi hlâta a pathaisa awpa ta, khitaw chyhsa hluhpi Zerusale lâ khy ei ta.

HMOTAOPAZY 21:26

A mylâ ta Pawla ta bietai ry liata a ypa chyhsazy cha a chhi ta, ama hnohta a pathai hra ta, Achhyna o liata a ngia ta, amâ pathaina noh â ki nawpa daihti nata ama zydua châta atheihna hlâ nawpa kyhzy kei pahnosa ta.

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.