ZAWBÂ 1:21 - Mara Bible RV (BSI)

²¹ “Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

ZAWBÂ 1:21 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 30:2

Zakaw cha Râkheli chô liata a hiehâh kaw ta, “Kei he chhi thei châ pakhâpatuhpa Khazohpa duahmo liata a duahpa ma ei châ?” tah ta.

ÂTHAONA 45:5

He râh lâ eina zuapa vâ ei chi ta nama pachârôh leipa sala, nâmosasyh â hao hra khuh vy. Hrona pabohsa awpa ta, Khazohpa ta nama hmia lâta eina vaw tuapa a châ.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

1 ABEIZY 12:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Abeipa ta a pataosapa a châ.

2 ABEIZY 20:19

Hezekia ta Isai hnohta, “Abeipa bie na reipa cha a pha na,” tah ta. “Ei hro chhôh ta thlalôhna nata abohna a y awpa khiahta cha, cha cha pha thlâh ha vei ma,” tahpa ta a pachâpa vâta, cha bie cha a reipa a châ.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

ZAWBÂ 1:11

Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

ZAWBÂ 2:10

Zawbâ ta a lapinô hnohta, “Chanô hrupa bie rei ta dua na rei thlâh haw. Khazohpa tawhta hmo phapa hmô pi ta, hmo chhiepa chhao eima hmô hra awpa châ vei ma?” tah ta. He hmo zydua liana heta, Zawbâ chata a hmao ta moleina hmo rai reih vei.

ZAWBÂ 9:12

Pachâ tua, A râkhei ta, Ahy a pakhâ thei tly? Ahy ma, ‘Khâpa na tao?’ a tah thei tly?

HLAZY 34:1

Abeipa cha khâ reithai aw na ta, Ano reithaina cha ei pakah liata a y ngâ thlâh ha aw.

HLAZY 34:2

Ei hro ta Abeipa a palaikhei ta, Areisipa ta thei sala a ly mawh sy.

HLAZY 39:9

Nâma hmotaopa a châpa vâta, Reih pathlie leipa ta y na ta, Pakah â leipa ta ei chalih.

HLAZY 49:17

A thi tita khâpa hmah a phao thei tlôh leipa aw ta, A rônahna ta ano cha zi aw vei.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 5:14

A sôh nata thihzy cha chhiena â tyhna liata lei khai ha ta, a sawchapaw châta a ku liata khâpa hmah y khao vei.

BIECHHOTUHPA 5:15

A nô chhi tawhta thluahruapa ta a vaw puapa hawhta, thluahruapa ta kua heih aw ta, a hriapasana theilâpazy chhao khâpa hmah a phao thei aw vei.

BIECHHOTUHPA 5:19

Cha dei châ vei, Khazohpa ta chyhsa hnohta sôh nata piah nata hneirôna zy a pie tita, chazy liata alyna châh pahno ta, a tovyuh a pyh thaipa ta, a hriapasana liata alyna châh a pahnopa cha, Khazoh hmosaipiepa a châ.

ISAI 24:15

Chavâta Abeipa cha nochhi lâta palyupalih u la, Abeipa, Izarei Khazohpa moh cha, Tilaipi kiah râhzy liata palyupalih teh u.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

CHAPHÔHTUNA 3:38

Hmo phapa chhao hmo chhiepa chhao, Chônôchaipa pakah tawhta a puapa châ vei ma?

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

1 THYSALAWNIKA 5:18

kyh to liata alyna bie reih teh u. Cha cha nama châta Krista Zisu liata Khazohpa khozie a châ.

1 TIMAWTHY 6:7

Khizaw liata khâpa hmah a ngiakhei leipa pi ta, khizaw tawhta khâpa hmah puakhei thei hra ma pi.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.

RUTHI 1:21

Abiepa ta pua na ta, Abeipa ta aruapa ta o lâ eina vaw padisa haw. Khazia Naomi khâ eina tah ei chi, Abeipa ta thailei na pachâ ta, Atotaotheipa ta ei chô liata chhiena a patlôsa ha hih,” tah ta.

1 SAMUELA 2:7

Thokha dyhchhiepa ta tao ta, Thokha hneirôhpa ta a tao. Thokha panawhsa ta, Thokha a pasâhsa.

1 SAMUELA 2:8

Dohlei tawhta dyhchhiepa pathyupa ta, Buchâh tawhta phahlapazy chalo ta; Beimachâzy hnohta âmo cha patyusa ta, Palyupalihna beidyuchhai a patosa ei. Alei tôhzy he Abeipa eih châ ta, Alei tôhzy chô liata khizaw he a padua.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.