ZAWBÂ 1:11 - Mara Bible RV (BSI)

¹¹ Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

ZAWBÂ 1:11 ပူးပေါင်းရင်းမြစ်များ

ÂTHAONA 26:11

Abimele ta, “Ahy rai he chyhsa tlyma, a lapinô tlyma a hriapa cha thie thlyu awpa a châ,” tahpa ta chyhsa zydua biepie ta.

ZAWBÂ 1:12

Abeipa ta Sâtâ hnohta, “Moh teh, a hneina zydua na ku liata a y. Ano chô liata deikua, na ku na pazawh awpa châ vei,” tah ta. Chatawhcha Sâtâ cha Abeipa hmiakô tawhta pua ha ta.

ZAWBÂ 1:21

“Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 19:21

Hy nâmo, ei viasazy saih u, Na ngiachhie u la, rie na ngiachhie muh vy; Khazohpa ku ta eina hria ha hih!

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

ZAWBÂ 2:5

Tahmâ na ku pazawh la, a rupa nata a sapa hria la, hmiachhy ta chhie a cha sapa aw,” tah ta.

ZAWBÂ 2:6

Abeipa ta Sâtâ hnohta, “Moh teh, ano cha na ku liata a y. A hrona deikua na pahlôh awpa a châ,” tah ta.

ZAWBÂ 2:7

Sâtâ cha Abeipa hmiakô tawhta pua ta, Zawbâ cha a pheipazah tawhta a laki taihta kheihluh ru ngaitapa pathlasa ta.

ZAWBÂ 2:9

A lapinô ta a hnohta, “Na ngâchhihna cha tahmâ taihta â ipa ta na patu lymâ aw ma? Khazohpa chô liata chhiesa la, thi thla ha bâ mah y,” tah ta.

ZAWBÂ 4:5

Châhrasala tahmâ na chô lia vaw tlô ta, Palôh chhiepa ta na y; Cha hria ta, Ngiarohpa ta na y.

HLAZY 105:15

“Ei sathawthupazy hria leipa u la, Ei hrohsopazy pasasa khuh vy,” a tah.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ISAI 8:21

Nôpopa nata nodipa ta râh ama chahryh aw. Ama no a di tita, ama bei nata ama Khazohpa reipachhie aw ei ta, ruchhôpa ta avâ lâ ama ua aw.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.

BIEPHUAH 16:11

ama pasana nata hmahzy vâta vârâh Khazohpa cha chhiesapa ei ta. Châhrasala ama hmotaopazy ro khoh hlei veih ei.

BIEPHUAH 16:21

Chatawhcha pareih lai ngaitapa, talent miakha hlei a hripazy chyhsa chô liata za tla ta. Potlana cha a rarôh y ngaitapa vâta, pareih potlana vâta Khazohpa chô liata chhiesa ei ta.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.