ZÂMIE 5:9 - Mara Bible RV (BSI)

⁹ Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.

ZÂMIE 5:9 ပူးပေါင်းရင်းမြစ်များ

ÂTHAONA 4:7

Hmo dopa na tao khiahta cha, A pyhpa châ aw va chi ma? Hmo dopa na tao vei khiahta deikua cha, Moleina ta chhikao liata châ byh ta, Cha hnei awpa a khoh; Na pahnie awpa a châ,” tah ta.

HLAZY 59:15

Nie awpa tluapa ta a khiekhâ ei ta, Ama rih a bie vei khiahta cha ama pahnua tyh.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

MATHAI 24:33

Cha hawhna hra chata, cha hmo zydua cha nama hmô tita, Chyhsa Sawchapawpa cha a vaw hnia ha ta, chhikao thaby liata a y tahpa pahno teh u.

MÂKA 13:29

Cha hawhna hra chata, chazy a vaw tlôpa nama hmô tita, Chyhsa Sawchapawpa cha a vaw hnia ha ta, chhikao thaby liata a y tahpa pahno teh u.

MÂKA 6:19

Chavâta Herawdi ta Zawhâna cha a hao kaw ta, thie awpa khoh ta, châhrasala tao thei leipa ta.

1 KAWRINI 10:11

Khazy kha pamosana châta ama chô liata a vaw tlôpa châ ta, keimo, daihti chhâna liata a ypazy pachuna châta ropa a châ.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.

KALATIA 5:14

“Nâma kyh nâ pachâpa hawhta, na vaih kyh na pachâ awpa a châ,” tahpa bie miakha liana heta ryhpa zydua â ki.

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 4:12

Ryhpa pietuhpa nata a pachiatuhpa pakha deita a y. Ano cha a pachha theipa nata a pahlei theipa a châ. Na vaih a seituhpa chi cha ahy ma na châ tly?

ZÂMIE 5:10

Unawh saih u, Abeipa moh ta bie a reihpa hrohsopazy kha, pasataona nata palôh pasina kyh liata a mopâ awpa ta hmâh teh u.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.

1 PITY 4:9

A pasô raihrie u la, paphôh khuh vy.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.