ZÂMIE 5:5 - Mara Bible RV (BSI)

⁵ Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.

ZÂMIE 5:5 ပူးပေါင်းရင်းမြစ်များ

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

HLAZY 73:7

Ama pachâna cha moleina ta bie ta, Ama palôh saduthliena ta a bie.

BIESOZY 17:1

Atudaih ngâna o liata kyhchhi pati niepa hlâta cha, Adyryh kawpa ta laochhohpa bawpa a pha via.

BIESOZY 7:14

“Aryhna hlâna atheihnazy ei hlâ awpa châ ta, Tanoh kha ei bietai ei patlô haw.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 3:16

Abeipa ta hetana heta a tah: “Zaio sawchanôzy cha a khotlâh kawpa ta, Ama rao pachhuapa ta a hlaihlâ ei ta, Ama mozy ta sydie ei ta, Ama chao chamieh chamâpa ta, Ama phei lâkyuzy ama parosa laihpa vâta,

ISAI 47:8

Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh:

ISAI 56:12

“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 39:17

“Hy chyhsa sawchapawpa y, Abeipa Zehôvâh ta hetana heta a tah: Pavaw chi to nata râhsa chi to hnohta bie reih la, ‘A pahmaoh u la, a vy teh u. Nâmo châta atheihna kyhchhi ei chhuanohpa lâ a vy awpa ta, su to tawhta a pahmaoh u la, Izarei tlâhpizy liata atheihna kyhchhi rônahpa ei taopa lâ a vypa ta, sa nie u la, thisaih doh teh u.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

1 TIMAWTHY 5:6

Sapa lôhrâtlôna châta a hrohpa nôhmei deikua cha, a hroh thlâhpa chhao ta a thipa a châ.

2 TIMAWTHY 3:4

piehpiepazy, hmiahnoh rao leipazy, apasâhsapazy nata Khazohpa hlâta khizaw haosai a tlaichhai viapazy ama châ aw.

2 PITY 2:13

Chyhsa ama pasasapa ty hmôpa ta âmo chhao pasasapa ama châ aw. Nohchhô sawhvaw pi ta haosai daihti a hmâh tyhpazy châ ei ta, nama kyhchhi ama châ hlao nota chhao, haosai sai pachâ ei ta, apuapa a kiapa nata seina a hneipazy ama châ.

ZUDÂH 1:12

Chazy chata china châh rai pahno leipa ta, nama kyhpachâna kyhchhi patizy niepa ta papuapalei ei ta, ti hnei leipa meihdo, thlih ta a phao pahaipa, châhvâ tho a pathei leipa, ei no a thi hapa nata a thari phia hapazy ama châ.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.

1 SAMUELA 25:6

Keima moh ta a hnohta, ‘Na chô liata thlalôhna y mawh sy! Na o liata thlalôhna y mawh sy! Na hneipa zydua chô liata thlalôhna y mawh sy!