ZÂMIE 5:16 - Mara Bible RV (BSI)

¹⁶ Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

ZÂMIE 5:16 ပူးပေါင်းရင်းမြစ်များ

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

ÂTHAONA 20:17

Abarahâ ta Khazohpa lâ thlahchhâ ta, Khazohpa ta Abimele nata a lapinô nata a seichanôzy cha patlâh heih ta, chatanachata sawzy sa heih ei ta.

ÂTHAONA 20:7

Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

2 SAMUELA 19:19

abei hnohta, “Ei zibeipa heta thailei a châpa ta na rao leipa sala, ei zibeipa abei ta Zerusale a puasai nota châ chakaotuhpa heta â do lei ngaitapa ta ei vaw tao hapazy kha a thei thlâh ha leipa sala, abei ta a palôh liata rie a vao khah sy.

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

2 THÂTIHZYRONA 30:20

Abeipa ta Heze­kiah thlahchhâna cha nathlie ta, zawpizy cha a patlâh ha ei.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

PUASAINA 17:11

Mawsi ta a ku a pazawh chhôh cha Izarei mo ta pahnie lymâ ei ta, a ku a pathliah nahta, Amale mo ta ama pahnie ha tyh.

PUASAINA 9:33

Mawsi cha Phiraoh tawhta a pasiepa ta khihpi khôtho lâ pua ta, Abeipa lâ a ku pazawh ta. Chatanachata tôkalôhpa nata pareih cha a chalih ei ta, avâ chhao alei chô liata â vaw hia haw.

BIESOZY 15:29

Abeipa cha moleipa tawhta a hla ta, Mosiapa thlahchhâna deikua a thei tyh.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

MALUHREINA 11:2

Zawpi ta Mawsi awsao ei ta, Mawsi ta Abeipa lâ thlahchhâ ta, chatanachata mei cha dia ha ta.

MATHAI 21:22

Namâ ngiapâ khiahta cha, thlahchhâna ta nama hiapa maih nama hmô aw,” tah ta.

MATHAI 3:6

ama moleinazy palâhâhpa ta Zawdâh chavah liata ano ta bâti pachâsa ei ta.

MÂKA 1:5

Zudia râh nata Zerusale khih tawhta chyhsa zydua ano lâ a vy ei ta, ama moleinazy palâhâh ei ta, Zawdâh chavah liata bâti a pachâsa lymâ ei.

LUKA 9:6

Chatanachata sie ei ta, khihzy chahryh ei ta, su to liata thâtihpha chhopa ta tlâhleipazy patlâh lymâ ei ta.

ZAWHÂNA 9:31

Khazohpa ta moleipa bie nathlie vei tahpa eima pahno. Châhrasala ahy rai ta Khazohpa a chhy ta a khopa a taopa cha, Khazohpa ta a bie a nathlie tyh.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 19:18

Ngiapâtuhpa hluhpi a vy ei ta, ama hmotaopazy a phuahpa ta palâhâh ei ta.

HMOTAOPAZY 8:24

Saimaw ta a chhy ta, “Nama bie reipa cha khâpa hmah ei chô liata a tlô lei nawpa ta, Abeipa lâ thlah na chhâpa teh u,” tah ta.

RAWMA 3:10

Biehrai liata, “Ahy hmah a siapa y veih ei, Pakha hmah y veih ei;

RAWMA 5:19

Chyhsa pakha reingiah leina vâta chyhsa hluhpi moleipa ama châ hapa hawhta, chyhsa pakha reingiahna vâta chyhsa hluhpi mosiapa ama châ aw.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

1 THYSALAWNIKA 5:17

bâh leipa ta thlahchhâ u la,

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

1 THYSALAWNIKA 5:25

Unawh saih u, thlah miah chhâpa teh u.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 12:13

Pheisypa cha a ru a suhlie leipa ta, patlâhpa a châ thei nawpa ta, nama pheizy châta lâpi patlâpazy tao teh u.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.

ZAWSUA 10:12

Abeipa ta Izarei sawzy ku liata Amawri mo a pie noh ta, Zawsua ta Abeipa bie a chho ta, Izarei sawzy mohmô liata, “Noh y, Kibiô chô liata a duah la, Thlâpâ y, Aizalô saikao chô liata a duah mah y,” tah ta.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 ZAWHÂNA 3:22

A biepiepazy zyh pi ta, â lyna hmo eima taopa vâta, eima hiapa maih ano tawhta eima hmô tyh.

1 SAMUELA 1:12

Abeipa hmiakô liata thlah a chhâ pazao ngâ nota, Eli ta Hânâ pakah cha moh thlâh ha ta.

1 SAMUELA 12:17

Tanoh he sâh hria noh châ vei ma? Tôkalôhpa pathuasa awpa nata avâ pasuasa awpa ta, Abeipa ei awsao aw. Chatanachata bei nama hiana kyh liata Abeipa mohmô ta hmo nama paraopa he a rarôh yzie pahno aw ei chi ta, nama hmô aw,” tah ta.

1 SAMUELA 12:18

Samuela ta Abeipa cha aw ta, Abeipa ta cha noh liata, tôkalôhpa pathuasapa ta, avâ pasuasa ta. Zawpi zydua ta Abeipa nata Samuela cha chi ngaita ei ta.