ZÂMIE 5:15 - Mara Bible RV (BSI)

¹⁵ Ngiapâna ta thlahchhâna ta tlâhleipa cha pachha aw ta, Abeipa ta ano cha a pathyu aw. Moleina hmo a taopa a châ khiahta cha, a ngiahthaipa a châ aw.

ZÂMIE 5:15 ပူးပေါင်းရင်းမြစ်များ

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

ZAWHÂNA 6:39

He he nâ tuahtuhpa khopa cha a châ, ano ta eina piepa zydua ahy hmah pahlei leipa aw na ta, noh chhâna noh liata ei pathyu aw ei.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

2 KAWRINI 4:14

Abeipa Zisu a pathyutuhpa ta keimo chhao Zisu hnohta miah pathyu hra aw ta, a hmiakô liata nâmo nata miah a paduasa khoh aw tahpa eima pahno.

ZÂMIE 1:6

Châhrasala alôhleina hnei leipa ta, ngiapâna ta hiah mawh sy. A lôh leipa chyhsa cha tilaipi chatlaopa hawhta châ ta, thlih ta phao ta, a pathluahpa hawhta a châ.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

ZÂMIE 5:20

a paviana lâpi tawhta moleipa a chhi pakhuatuhpa cha, thina tawhta a thlahpa a pachhapa châ aw ta, a moleina hluhpi a khupa haw tahpa a pahno mawh sy.