ZÂMIE 4:9 - Mara Bible RV (BSI)

⁹ Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.

ZÂMIE 4:9 ပူးပေါင်းရင်းမြစ်များ

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

ZAWBÂ 30:31

Ei totâ pyu cha mâchhiesana pyu lâta a lie ta, Ei ramo pyu cha chana pyu lâta â lie haw.”

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 119:67

Pasa pataosapa ei châ hlâ tawh chhao ta, Cha tleisai ha na ta; Tahmâ deikua cha na bie ei zyh lymâ.

HLAZY 119:71

Na bieraopazy ei chu thei nawpa ta, Riepatheipa ta ei vaw ypa kha kei châta a pha na.

BIESOZY 14:13

Pahneina liata chhao palôh pasana y thei ta, Thaphana chhao a chhâna lâta cha pachârôhna lâta a pua thei.

BIECHHOTUHPA 2:2

Pahneina hnohta, “Hruna a châ,” tah na ta, Alyna hnohta, “Khâpa phahnaina ma a hnei,” ei tah tyh.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

CHAPHÔHTUNA 5:15

Eima palôh alynazy pai ha ta, Eima lâpa mâchhiesana lâta â lie haw.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

MATHAI 21:41

Âmo ta a hnohta, “Cha moleipazy cha ama rie patheisapa ta thie aw ta, kre sadô cha, a thei â daihna maihta, ano tovyuh a pie lymâ awpa thlyuhlaotuh hropazy hnohta a pie aw ei,” tah ei ta.

MATHAI 5:4

“Pachârôhpazy ama nohlao na, thlapalôhpa ta ama y awpa vâta.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

LUKA 6:25

“Nâmo, tahmâ nota rihbiepazy saih u, nama hu a po na, nama no a di awpa vâta. “Nâmo, tahmâ nota a pahneihpazy saih u, nama hu a po na, mâchhiesapa ta nama y awpa vâta.