ZÂMIE 4:4 - Mara Bible RV (BSI)

⁴ Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

ZÂMIE 4:4 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

HLAZY 21:8

Na ku ta na chariahpa zydua hmô aw ta, Na ku chachâh lâta na khakhaipazy a patu aw.

HLAZY 50:18

Aparupa na hmô nahta, A chô liata a ly chi ta, Apheipazy nâ kao tyh.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

ISAI 57:3

Nâmo, dyuthainô sawchapawzy deikua cha, A vaw hnia u la; Nâmo, apheinô nata sihryhnô chipathlazy A vaw hnia teh u.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

EZEKIA 16:32

“Lapinô â pheipa, a vahpa a y thlâh hapa ta mohropazy a pheikheipa na châ.

HÔSIA 3:1

Abeipa ta ei hnohta,“Izarei sawzy ta khazoh hropazy lâ tlei ei ta, amâ theihna hmohlâpa kresawhti nata kre chawhpa viahchhâzy ama tlaichhai kawna chô chhao ta Abeipa ta ama kyh a pachâpa hawhta, nâ chhao na lapinô cha a khopaw liata a châ pheisai hapa chhaota, vawh la, na kyhpachâna va palâsa heih teh,” tah ta.

MATHAI 12:39

Zisu ta âmo cha a chhy ta, “Chhâ moleipa nata apheipazy ta ngiana ama tlua tyh. Châhrasala hrohsopa Zawna ngiana dei leipa ta cha, ngiana hropa piepa châ aw vei.

MATHAI 16:4

Chhâ moleipa nata apheipazy ta ngiana tlua tyh ei ta, châhrasala Zawna ngiana dei leipa ta cha, ama hnohta ngiana rai piepa châ aw vei,” tah ta. Âmo cha puasai ta, sie syulyu ha ta.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.