ZÂMIE 4:2 - Mara Bible RV (BSI)

² Khopa hnei ei chi ta, hnei thei tlôh leipa ei chi ta, chavâta liany nama cheih tyh. Uahva ei chi ta, hnei thei tlôh leipa ei chi ta, chavâta a dyuh ei chi ta, namâ hryuh tyh. Nama hia leipa vâta nama hmô leipa a châ.

ZÂMIE 4:2 ပူးပေါင်းရင်းမြစ်များ

1 ABEIZY 21:6

Ahabâ ta Zezebel hnohta, “Zezari chyhsa Nâbô hnohta, ‘Na kre sadô he na chaleisa teh. Na khoh via khiahta cha, kre sadô hropa ei cha pie aw,’ tah na ta, ano ta, ‘Ei kre sadô he cha pie aw va na,’ tahpa ta einâ chhy hapa vâta a châ,” tah ta.

BIESOZY 1:19

He he avyuhna ta athôhna a chadaipa karâypa chyhsa zydua chhâna a châ, Avyuhna ta hneipa sôh chata a hneituhpazy hrona a pahlei tyh.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

ISAI 7:12

Châhrasala Ahâza ta, “Hiah aw va na, Abeipa pasia aw va na,” tah ta.

HABAKU 2:5

Kresawhti cha dôveituhpa châ ta, Akhotlâh kaw ta, A pahâ beih leipa a châ. Athihkhih tlu ta a karâ hneina kawh ta, Thina hawhta â daih a tah beih leipa a châ. Ano lâta râh zydua awpakhy ta, Ano lâta phopi zydua a pahmaoh ei.”

ZAWHÂNA 16:24

Tahmâ taihta ei moh ta khâpa hmah hiah mâh veih ei chi. Hiah teh u, nama hmô aw, chatanachata namâ lyna â ki aw.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 5:6

Chyhsa siapazy thailei pachâsa ei chi ta, châ dyuh leipazy nama thie haw.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.