ZÂMIE 4:1 - Mara Bible RV (BSI)

¹ Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

ZÂMIE 4:1 ပူးပေါင်းရင်းမြစ်များ

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RAWMA 7:23

ei pôhpa pachiahpazy liata deikua cha, ryhpa nanopa a y tahpa ei pahno. Cha chata ei palôh ryhpa cha a dyuh ta, ei pôhpa pachiahpazy liata moleina ryhpa a ypa lâna chata sei ta einâ chhi tyh.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

KALATIA 5:17

Sapa khona ta Thlahpa a dyuh ta, Thlahpa khona ta sapa â dyuh. Nama tao khohpa hmozy nama tao thei lei nawpa ta, sapa nata Thlahpa cha amâ dyuh tyh.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

2 TIMAWTHY 2:23

Aeichhiana hrupa nata phahnai leipazy cha ahryusina a papua tyh tahpa pahno chi ta, chavâta cha hawhpa liata a hlaohli khah y.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

TITU 3:9

Aeina hrupazy, thyutônazy, achakhianazy nata ryhpa kyh liata ahryunazy a hneisai lymâ mah y. Athôhna a y leipa nata hraoleipa hmozy a châ.

ZÂMIE 1:14

Chyhsa to aohraohna lâta sydiepa nata a chhipa ama châ tita, reipasaona amâ tyh tyhpa tlao a châ.

ZÂMIE 4:3

Hiah ei chi ta, nama hiapa su leipa ta, nama aohraohna châta hmâ awpa ta nama hiapa vâta, hmô veih ei chi.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,