ZÂMIE 3:9 - Mara Bible RV (BSI)

⁹ Cha paleih chata eima Beipa nata Paw reithai pi ta, cha paleih lilaw chata Khazohpa lyupa ta taopa chyhsazy chô liata chhie eima sa tyh.

ZÂMIE 3:9 ပူးပေါင်းရင်းမြစ်များ

ÂTHAONA 5:1

He he Âdâh pathlazy rona châbu a châ. Khazohpa ta chyhsapa a tao nona khata, ano cha Khazohpa lyupa ta tao ta,

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 SAMUELA 16:5

Bei Dâvi cha Bahuri a tlô nahta, Sawla pho heihpa Kerâ sawchapawpa a moh Simei ama tahpa cha vaw pua ta, chhiesa lymâna chôta a vy ta.

2 SAMUELA 19:21

Zeru sawchapawpa Abisai ta a chhy ta, “Abeipa sathawthupa chô liata chhie a sapa vâna khata, Simei he thie awpa châ vei ma?” tah ta.

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

HLAZY 10:7

A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 108:1

Hy Khazohpa, ei palôh a i ta, Hla sapa ta ei hro â ly aw.

HLAZY 145:1

Hy ei Khazohpa nata ei Beipa, Cha palyupali aw na ta, Chhâzaw nata tlyzaw ta na moh ei reithai aw.

HLAZY 145:21

Ei pakah ta Abeipa reithaina bie a reih tyh aw; Chyhsa zydua ta a moh pathaihpa cha, Chhâzaw nata tlyzaw ta reithai mawh ei sy.

HLAZY 16:9

Chavâta ei palôh thapha ta, Ei hro â ly ngaita; Ei pôhpa chhao â bohpa ta a y aw.

HLAZY 30:12

Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 34:1

Abeipa cha khâ reithai aw na ta, Ano reithaina cha ei pakah liata a y ngâ thlâh ha aw.

HLAZY 35:28

Chatanachata ei paleih ta na siana bie chho aw ta, Noh y ta ei cha reithai aw.

HLAZY 51:14

Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 57:8

Hy ei thlahpa, A hra teh! Hy tlaipih nata totâ zy saih u, A hra teh u! Kei ta khihdeipa ei pahra aw!

HLAZY 59:12

Ama pakah moleinazy vâta, Ama hmao biezy vâta, Amâ palaina lia tlai ta a ao mawh ei sy. Chhiesana bie nata haipa bie ama reipazy vâta,

HLAZY 62:4

A duahmo sâhpa tawhta chati pathlah awpa ta tei ei ta, Haipa bie reipa liata amâ ly kaw tyh. Ama pakah ta byhnâ aw ei ta, Ama palôh ta chhie ama sa tyh. Selah

HLAZY 63:4

Ei hro chhôh zydua ta cha reithai aw na ta, Na moh ta ei kuzy ei chaluah aw.

HLAZY 71:24

Ei paleih he noh y ta na siana bie reih aw ta, Pasasa nâ chhuahpazy cha, Maophyuhpa nata hnabeidypa ta ama y.

BIECHHOTUHPA 7:22

Nâma tlai chhao ta mohropazy chô liata Ei hluhpi chhie na vaw sapa na palôh ta a pahnopa kha.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

MATHAI 26:74

Pity ta, “Cha chyhsa cha pahno va na,” tahpa ta chhie a sa khâh ta. Cha khaipa nahta, awh khoh pâ ha ta.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

HMOTAOPAZY 2:26

Chavâta ei palôh thapha ta, Ei paleih a ly ta, Ei sapa ta a hnabei a seih.

RAWMA 3:14

Ama pakah cha chhiesana nata ruchhôna ta a bie.

1 KAWRINI 11:7

Chapaw cha Khazohpa lyupa nata Khazohpa rônahna a châpa vâta, a luh â khu awpa châ vei. Chanô deikua cha chapaw rônahna a châ.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.