ZÂMIE 3:6 - Mara Bible RV (BSI)

⁶ Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

ZÂMIE 3:6 ပူးပေါင်းရင်းမြစ်များ

2 SAMUELA 16:20

Absalaw ta Ahitôphe hnohta, “Khâpa ma eima tao tua chai aw? Na ryhraozie reih teh,” tah ta.

2 SAMUELA 19:43

Izarei mo ta Zudâh mo cha a chhy ei ta, ama hnohta, “Abei liana heta tovyuh vyuh hrawh hnei pi ta, Dâvi liana heta nâmo hlâta tovyuh eima hnei via mâh tâh. Khazia ma khâpasaw ta miah nama rei vei? Eima bei a vaw chhi heih nawpa kyh he a pahrua tuatuhpa châ ma pi mâ?” tah ei ta. Châhrasala Zudâh mo bie cha Izarei mo bie hlâta pachyu via ha ta.

2 THÂTIHZYRONA 13:17

Abizah nata a pheisaihzy ta Izarei maw lâ pheisaihzy cha thata thie ei ta, Izarei pheisaih atlyhpatluapa 500,000 thiepa ama châ.

HLAZY 140:3

Ama palei parih paleih hawhta patiahsa ei ta, Ama hmao ry liata vâzi châmaih a y. Selah

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

BIESOZY 15:1

Achhyna naipa ta pathiiana padia ta, Reih chahrâhpa deikua ta hiehâhna a pathyu tyh.

BIESOZY 16:27

Chyhsa dyutlai leipa cha hmo pha leipa tao a chhuah tyh ta, A hmaozy cha mei sahpa hawhta a châ.

BIESOZY 6:19

Haipa hu a sopa pahnokheituh pakheipa nata Unawhzy achhaihna chi tutuhpazy ama châ.

BIESOZY 7:5

Sona ta chanô sihryhpa tawhta cha vaih aw ta, Apheinô reikah pahniapa tawhta a cha vaih aw.

ISAI 30:27

Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 50:11

Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 28:16

Chavâta Abeipa ta hetana heta a tah: ‘Pachâ teh, alei cho tawhta ei cha thy aw. Abeipa chakhiana bie na reipa vâta, atakô lia tlai ta na thi aw,’” tah ta.

THEIHTHAINA 24:11

Izarei chanô sawchapawpa chata Moh reipachhiepa ta chhie sa ta. Mawsi lâ a chhi ei ta, a nô moh cha Selômi châ ta, ano cha Dânâ chi Dibri sawchanô a châ.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MÂKA 7:15

Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

HMOTAOPAZY 20:30

Nama hry tawh cheingei chhao ta, pachupazy âmo lâ pabaisa a chhuahpa ta, haipa bie hmâpa ta chyhsa a pasiesachheipazy ama vaw pua aw.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 6:13

Pahnokheituh pakheipazy rao ei ta, âmo chata, “He chyhsa heta, bâh leipa ta he su pathaihpa nata ryhpa a reipachhie lymâ.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

ZÂMIE 2:7

Âmo cha moh zachhihpa nama phaopa a reipachhietuhpazy châ veih ei mâ?

ZÂMIE 3:7

Râhsa chi to, pavaw chi to, alyhpasa chi to nata tilaipi liata hmohrohneipa to he pangâh theipa châ ei ta, chyhsapa ta a pangâh tyh.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

3 ZAWHÂNA 1:10

Chavâta ei vy khiahta cha, a hmotaopa, eima kyh miah reih ta, thâ miah a pachhiena kyh kha ei pasia aw. Cha chhao cha a daih tah leipa ta, unawhzy a ly khoh leipa ta, a ly khohpazy pakhâ ta, Awnanopa tawhta a papua ei.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.