ZÂMIE 3:2 - Mara Bible RV (BSI)

² Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

ZÂMIE 3:2 ပူးပေါင်းရင်းမြစ်များ

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

2 THÂTIHZYRONA 6:36

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, râh lâhlapi lâta tlyma, lâhnia liata tlyma, sei ta a chhipa ta y ei sala,

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

HLAZY 34:13

Moleina tawhta na paleih vaih la, Haipa bie reipa tawhta na hmao vaih mah y.

HLAZY 39:1

“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

BIESOZY 10:19

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 20:9

“Ei palôh pathaihsa ha na ta, Ei moleina tawhta ei pathaih haw,” Ahy ma a tah thei tly?

BIESOZY 21:23

A pakah paleih a vaihpa cha, Nôpona tawhta a hro a vaihpa a châ.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

THEIHTHAINA 13:39

theihthaipa ta moh aw ta, a pôhpa vo liata pakheihpa cha phiephuh râhpâh dei a châ khiahta cha, pakheih chakhyhpa vo liata a vaw puapa châ ta, ano cha a pathaih.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 12:37

Na biezy vâta thai châ aw chi ta, na biezy lilaw ta thailei pachâsapa na châ aw,” tah ta.

RAWMA 3:10

Biehrai liata, “Ahy hmah a siapa y veih ei, Pakha hmah y veih ei;

RAWMA 7:21

Chatanachata he ryhpa he ei vaw pahno haw: Hmo phapa tao ei khoh nahta, moleina ta einâ vaw hnia ha tyh.

1 KAWRINI 9:27

Mohropazy thâtihpha ei chho khai tawhta, keima chaipa he lymâ hmô tlâh leipa ei châ pathlei lei nawpa ta, ei pôhpa he a vaopahnie na ta, ei biehneina ry liata ei soh tyh.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

KALATIA 5:17

Sapa khona ta Thlahpa a dyuh ta, Thlahpa khona ta sapa â dyuh. Nama tao khohpa hmozy nama tao thei lei nawpa ta, sapa nata Thlahpa cha amâ dyuh tyh.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 1:4

Khâpa hmah phahla leipa ta, pitlohna lâ pangai u la, phapakipa nama châ thei nawpa ta, tiamana chata a rai patlô mawh sy.

ZÂMIE 2:10

Ahy rai ryhpa zydua zyh paki hra sala, kyh kha a parao khiahta cha, a zydua liata thaileipa a châ.

1 PITY 3:10

“Kyhpachâna hro tlaichhai ta, Noh pha a hmô khohpa cha, Moleina liata a paleih vaih sala, Dôveina liata a hmao vaih mawh sy.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.