ZÂMIE 3:15 - Mara Bible RV (BSI)

¹⁵ Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

ZÂMIE 3:15 ပူးပေါင်းရင်းမြစ်များ

2 SAMUELA 13:3

Amanaw heta viasa pakha, a moh Zônadâ ama tahpa hnei ta, ano he Dâvi unawhpa Simei sawchapawpa a châ. Zônadâ he chyhsa so piehpie ngaitapa châ ta.

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 16:23

Kha daihti liata cha, Ahitôphe ryhraona biezy cha Khazohpa bie hawhta pachâpa a châ tyh. Chavâta Ahitôphe ryhraokheinazy cha, Dâvi chhao, Absalaw chhao, ama pasô ngaitapa a châ.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

RAWMA 1:22

Chyhsa sopa hawhta a reih ei ta, ahrupa lâta ama pua haw.

1 KAWRINI 1:27

Châhrasala Khazohpa ta asopazy maoh paphyuh nawpa ta, khizaw hmo hrupazy tlao a tlyh ta, thatlôpazy maoh paphyuh nawpa ta, chiehleipazy tlao â tlyh.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

2 THYSALAWNIKA 2:9

Ryhpa paraotuhpa cha, hmotaotheina to nata ngiana nata hmonoâhpa ta dôveina to hmâpa ta, Sâtâ hmotaotheina chhaota â vy aw.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

ZUDÂH 1:19

Cha chyhsazy cha achhaihna a patlôsatuhpa, khizawpa chyhsa, Thlahpa a hnei leipazy ama châ.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 2:24

Nâmo, Thiatirâ liata a ypa mohropazy, Zezebel pachuna a pyh leipa ta, Sâtâ hmo athupa ama tahpa kyh a chu leipazy deikua cha, ei cha chho ei. Nâmo la phaohri hropa khâpa hmah cha pahnieh thlu aw veih ei na.

BIEPHUAH 9:11

Leichiepa khaohtlô vâlyuhchâpa cha ama bei ta hnei ei ta, a moh cha Hebrai reih ta Abadô châ ta, Krikâh reih ta Apôliô a châ.