ZÂMIE 3:10 - Mara Bible RV (BSI)

¹⁰ Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

ZÂMIE 3:10 ပူးပေါင်းရင်းမြစ်များ

ÂTHAONA 20:9

Abimele ta Abarahâ cha aw ta, a hnohta, “Khâpa hmo ma eima chô liata na tao? Khâpa kyh liata ma na chô liata hmo parao na ta, moleina rarôh ypa he kei nata ei râh chô liata na vaw patlôsa tly? Tao lei awpa hmo ei chô liata na tao hih,” tah ta.

2 SAMUELA 13:12

A sietanô ta a chhy ta, “Châ vei, ei rilâhpa, ei noh na pazao khah y. He hawhpa hmo he Izarei liata taopa chi châ vei. He hawhpa hmo hrupa he tao cheita khah y.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

RAWMA 12:14

Châ taolatuhpazy byhnâ awpa u la, chhiesapa leipa ta, byhnâ awpa teh u.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

1 TIMAWTHY 5:13

Cha dei châ vei, thathipa ta y ei ta, o to ta amâ khiekhâ tyh. Ama thathipa dei châ leipa ta, chyhsa kyh reih ei ta, biethâhzy taopa ta, rei lei awpazy ama reih tyh.

ZÂMIE 1:16

Unawh kho ngaitapa saih u, dôveipa ta y khah u.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 3:1

Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.

ZÂMIE 3:11

Tihnawh miakha tawhta ti pahâhpa nata ti iahpa a papua beih ma?

ZÂMIE 3:9

Cha paleih chata eima Beipa nata Paw reithai pi ta, cha paleih lilaw chata Khazohpa lyupa ta taopa chyhsazy chô liata chhie eima sa tyh.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.