ZÂMIE 3:1 - Mara Bible RV (BSI)

¹ Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.

ZÂMIE 3:1 ပူးပေါင်းရင်းမြစ်များ

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

MALAKHAI 2:12

He hawhpa hmo a taopa chyhsa cha, Abeipa ta a chi pamua sala, Zakaw poh o liata a pahrâ awpa chipathlazy hnei leipa sala, Pheisaihzy Abeipa lâta hmo a hlâ awpa chipathla chhao hnei khah sy.

MATHAI 10:24

“Pachupa cha a pachutuhpa chô lâta y leipa ta, sei chhao a zibeipa chô lâta y vei.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

MATHAI 9:11

Phârisaihzy ta cha cha ama hmô nahta, a pachupazy hnohta, “Khazia nama pachutuhpa heta chhiekheituhpazy nata moleipazy pati a dôh lâh thlâh ha ei?” tah ei ta.

LUKA 16:2

Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

LUKA 6:37

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

ZAWHÂNA 3:10

Zisu ta a chhy ta, “Izarei pachutuhpa châ chi ta, chazy chhao cha pahno thai va chi ma?

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

1 KAWRINI 12:28

Khazohpa ta Awnanopa liata chakaotuhpazy rao ta, miakhana liata lyuhchâpazy, mianona liata hrohsopazy, miathôhna liata pachutuhpazy a rao. Cha khai tawhta hmonoâhpa taotuhpazy, patlâhna hmopiepa a hneipazy, chyhsa bao khohna hmopiepa a hneipazy, ryurei thaina hmopiepa a hneipazy nata reihtheileipa hmopiepa a hneipazy a rao ei.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

1 TIMAWTHY 1:7

Pahnopasia tlôh leipa ta bie reih ei ta, riahpha kawpa ta bie a duakheipa ta, ryhpa pachutuhpazy châ awpa ama khoh.

1 TIMAWTHY 2:7

Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

2 TIMAWTHY 1:11

Cha thâtihpha châta biechhotuhpa nata lyuhchâpa nata pachutuhpa ta raopa ei châ.

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

ZÂMIE 1:16

Unawh kho ngaitapa saih u, dôveipa ta y khah u.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

1 PITY 5:3

Nama mohôhpa mietakuzy chô liata a pabeisa leipa u la, mietaku zaw châta a mopâ tlâhpa ta tlao y muh vy.