ZÂMIE 2:9 - Mara Bible RV (BSI)

⁹ Khokhei viapa nama hnei khiahta deikua cha, moleina hmo a taopa châ ei chi ta, hmoparaotuhpa nama châ tahpa ta ryhpa ta thailei a cha pachâsa ei.

ZÂMIE 2:9 ပူးပေါင်းရင်းမြစ်များ

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

ZAWHÂNA 16:8

Thlapalôhtuhpa a vaw tlô tita, khizaw he moleina kyh, siana kyh nata pachiana kyhzy liata a thaileichâna a pahnosa aw.

ZAWHÂNA 8:46

Nama hry liata ahy ma moleina vâta thailei nâ pachâsa thei aw ei chi? Biehmeiseihpa reih na ta, khazia eina zo veih ei chi?

ZAWHÂNA 8:9

A bie reipa cha ama thei nahta, machâ chaipa tawhta pua pathao ei ta, pakha pakha ta pua lymâ ei ta, Zisu cha ama puasai khai haw. Chanô cha Zisu hmiakô liata a duah thlâh ha ta.

HMOTAOPAZY 10:34

Pity cha bie reih ta, “Khazohpa ta chyhsa khokhei eihpa a hnei leizie a siapa ta ei pahno haw.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

1 KAWRINI 14:24

Nama zydua ta bie nama chho khiahta deikua cha, ngiapâleipa tlyma, khôtho chyhsa tlyma a vaw ngia sala, a thaileizie nama zydua ta nama palâsapa châ aw ta, nama zydua ta nama pasiapa a châ aw.

KALATIA 2:19

Khazohpa lâta ei hroh thei nawpa ta, kei la ryhpa vâta ryhpa liata ei thi haw.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

1 ZAWHÂNA 3:4

Moleina hmo a taopa maih ryhpa a paraopa ama châ. Moleina cha ryhpa paraona châ tlôh ta.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.