ZÂMIE 2:25 - Mara Bible RV (BSI)

²⁵ Cha hawhna chata âzuahnô Rahâbi chhao kha, lyuhchâpazy a vaw ly ta, lâpi hropa lâta a pasiesapa liana khata, hmotaopa vâta thai pachâsapa a châ!

ZÂMIE 2:25 ပူးပေါင်းရင်းမြစ်များ

MATHAI 1:5

Salmô cha Bôaza paw a châ. Bôaza nô cha Rahâbi a châ. Bôaza cha Ôbedâ paw châ ta, Ôbedâ nô cha Ruthi a châ. Ôbedâ cha Zese paw châ ta,

MATHAI 21:31

Cha pano liata ahy ma a paw khopa a tao?” tah ta. Âmo ta, “A hmiatuapa,” tah ei ta. Zisu ta ama hnohta, “Hmeiseihta ta ei cha chho ei, chhiekheituhpazy nata âzuahnôzy ta Khazohpa khinarâh ama châ ngia khâh aw.

HMOTAOPAZY 17:7

Zasaw heta a o liata patlôsa ei ta, ‘Zisu ama tahpa bei hropa a y,’ tah ei ta, ama zydua ta Kaisarâ chakhiapa ta hmo ama tao,” tahpa ta awh ei ta.

HEBRAI 11:31

Ngiapâna ta âzuahnô Rahâbi cha, mohparutuhpazy a phapa ta â lypa vâta, ngiapâleipazy hry liata leidia vei.

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.

ZÂMIE 2:22

 ngiapâna cha a hmotaopa nata hria khoh ta, ngiapâna cha hmotaopa ta a paki tahpa na hmô.

ZÂMIE 2:24

Ngiapâna vâ dei châ leipa ta, hmotaopa vâta chyhsa ta thai tlao a châ tyh tahpa nama pahno.

ZAWSUA 2:1

Nunâ sawchapawpa Zawsua ta mohparutuhpa pano Siti tawhta arulâta tuah ta, ama hnohta, “Sie u la, râh kaw moh u la, a eih pachaipa ta Zerikô khihpi kaw moh muh vy,” tah ta. Mohparutuhpazy cha sie ei ta, Rahâbi ama tahpa âzuahnô o liata a ngia ei ta, cha liata tlô ei ta.

ZAWSUA 2:15

Rahâbi o cha khihpi thokhy pahniehpa ta sapa châ ta, thokhy chô liata a ypa a châpa vâta, chaori pangieh ta, mohparutuhpazy cha opy lâ tawhta pachôsa ta.

ZAWSUA 2:16

Ama hnohta, “Tlâhpi lâ khi pangaipa ta sie muh vy. Chataleipatala châ chadaituhpazy khata ama cha hmô pathlei aw. Châ chadaituhpazy ama kua heih hlâlei, cha liata noh thôh a nyu chy aw ei chi ta, cha khai tawhta nama sie nawpa lâ nama sie aw,” tah ta.

ZAWSUA 2:4

Châhrasala chanô ta mohparutuhpa pano cha a chhi ta, nyu ha ta. Chatanachata ama thâtih a vaw patluahpazy hnohta, “Â do na, kha chyhsazy kha ei o liata vaw tlô tlai ei ta, châhrasala khataih lâ tawhta a vypa ma ama châ tahpa pahno va na.

ZAWSUA 2:6

Rahâbi ta a khichhaizy cha vâphuh lâ a chhi ta, vâphuh liata pala kô a chahypa ry liata nyu ta.

ZAWSUA 6:17

Khihpi he a chhôh liata a ypa zydua chhaota Abeipa lâ hlâ ta, parao khai awpa a châ. Âzuahnô Rahâbi deikua cha, eima tuapa lyuhchâpazy a vaw nyupa vâta, ano nata a o liata a ypa zydua pahlôh awpa a châ.