ZÂMIE 2:22 - Mara Bible RV (BSI)

²² Â ngiapâna cha a hmotaopa nata hria khoh ta, ngiapâna cha hmotaopa ta a paki tahpa na hmô.

ZÂMIE 2:22 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

ZAWHÂNA 6:29

Zisu ta âmo cha a chhy ta, “Khazohpa raihria cha he he a châ, a tuapa he a ngiapâ teh u,” tah ta.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.

1 ZAWHÂNA 2:5

A bie a zyhpa deikua cha, Khazohpa kyhpachâna cha ano liata a paki hmeiseihpa a châ. He liana heta ano liata eima y tahpa eima pahno: