ZÂMIE 2:14 - Mara Bible RV (BSI)

¹⁴ Unawh saih u, chyhsa ta, “Ngiapâna ei hnei,” tah sala, hmotaopa a hnei tlôh leipa khiahta cha, khâpa phahnaina a hnei? Cha hawhpa ngiapâna chata ano a pachha thei aw ma?

ZÂMIE 2:14 ပူးပေါင်းရင်းမြစ်များ

ZEREMIAH 7:8

“Pachâ teh u, phahnaina a hnei leipa haipa biezy tlao nama ngâ he zaw.

MATHAI 5:20

Ei cha chho ei, nama siana cha ryhpa pachutuhpazy nata Phârisaihzy siana hlâta a sia via vei khiahta cha, vârâh khinarâh a ngia thei aw veih ei chi.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

LUKA 6:49

Thei tlôh ta a tao leipa deikua cha, abôna a i leipa alei chô liata o a sapa chyhsa hawhta a châ. Tily chahrapa ta o cha su ta, thlai a cho haw. Cha o raopa cha a rarôh y ngaita,” tah ta.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

HMOTAOPAZY 8:13

Saimaw chhao a ngiapâ ha hra ta, bâti a châ khai nahta, Phili hnohta y lymâ ta. Ngiana nata hmonoâhpa rônah ngaitapa a taopazy hmô ta, a noâh ngaita ta.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 11:17

Ngiapâna ta Abarahâ cha pasiapa ta a y nota, Aisika hlâ ta, bietaizy a totuhpa ta a sawchapaw matlupa cha a hlâ haw.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

ZÂMIE 1:16

Unawh kho ngaitapa saih u, dôveipa ta y khah u.

ZÂMIE 2:16

nama hry liata ahy tlyma ta a hnohta, “Thlalôhpa ta sie la, a lalôhpa ta y la, rihbiepa ta y mah y,” tah sala, pôhpa châta â ngiahpa a pie tlôh leipa khiahta cha, khâpa a phahnai aw?

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.

ZÂMIE 2:26

Thlahpa a hlao leipa pôhpa cha athipa a châ. Cha hawhna chata hmotaopa a hlao leipa ngiapâna chhao athipa a châ hra.

2 PITY 1:5

Cha vâna tlai chata nama theina zydua papua u la, namâ ngiapâna liata adona a hlao sala, adona liata pahnona a hlao sala,