ZÂMIE 2:13 - Mara Bible RV (BSI)

¹³ Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

ZÂMIE 2:13 ပူးပေါင်းရင်းမြစ်များ

ÂTHAONA 42:21

Âmo nata âmo a chhohia ei ta, “Eima unawhpa chô liata eima hmotaopa vâta thailei eima châ ha tlai he zaw. Ngiachhie miah â haw ngâ nota a palôh nôpozie kha hmô thlâh ha pi ta, châhrasala eima nathlie khoh leipa kha. Chavâta he nôpona heta miah a tla thlu hih,” tah ei ta.

2 THÂTIHZYRONA 28:11

Chavâta ei bie he nathlie u la, sei ta nama patupa nama chiheihzy kha pakuasa ha teh u. Chataleipatala Abeipa pathiiana ru ngaitapa nama chô liata a vaw tlô pathlei aw,” tah ta.

HLAZY 18:25

Zawngiah theipa hnohta zawngiahna palâsa chi ta, Seina hnei leipa hnohta seina hnei leipa na châna na palâsa.

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

BIESOZY 21:13

Sipasapa awna lâta a nah a chahupa cha, Ano chhao awh aw ta a chhypa châ aw vei.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MATHAI 5:7

“Zawngiah theipazy ama nohlao na, zawngiahna ama hmô awpa vâta.

MATHAI 6:15

Nama chô liata hmo a paraopazy namâ ngiahthai vei khiahta cha, nama Paw ta nama hmoparaopazy châ ngiahthai hra aw veih ei.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 6:37

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.

RYUREITUHPAZY 5:27

A phei thaby liata a bôhpa ta pao ta, Cha liata â zawh thlâh haw; A phei thaby liata a bôh ta, Â bôhna su liata pao ta, Cha liata a thi haw.