ZÂMIE 1:22 - Mara Bible RV (BSI)

²² Nâmosasyh ta a dôveipa ta, bie nathlietuhpa dei châ leipa ta, bie zyhtuhpa tlao châ muh vy.

ZÂMIE 1:22 ပူးပေါင်းရင်းမြစ်များ

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

ÔBADIA 1:3

Nâ lôpanô keina liata y chi ta, Su sâhpa liata pahrâpa ta, “Ahy ma alei lâ nâ pathla thei aw?” Na palôh liata a tahtuhpa y, Na palôh laina ta a cha dôvei haw.

MATHAI 12:50

Ahy rai ei Paw vârâh liata a ypa khopa a taopa maih cha, ei unawh nata ei sietanô nata ei nô zy ama châ,” tah ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

RAWMA 2:13

Ryhpa bie a theituhpa maihta Khazohpa mohmô ta asiapazy châ hlei leipa ei ta, ryhpa bie a zyhtuhpazy deita thai pachâsapa ama châ aw.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

KALATIA 6:7

Dôpa ta y khah u. Khazohpa cha pasipasawh awpa rimâ châ vei. Chyhsa ta chi a tupa maih, cha tlai cha a hria aw.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

2 PITY 2:13

Chyhsa ama pasasapa ty hmôpa ta âmo chhao pasasapa ama châ aw. Nohchhô sawhvaw pi ta haosai daihti a hmâh tyhpazy châ ei ta, nama kyhchhi ama châ hlao nota chhao, haosai sai pachâ ei ta, apuapa a kiapa nata seina a hneipazy ama châ.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.