ZÂMIE 1:21 - Mara Bible RV (BSI)

²¹ Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.

ZÂMIE 1:21 ပူးပေါင်းရင်းမြစ်များ

HLAZY 25:9

Areisipa cha adona liata chhihtha ta, Abeipa lâpi a pachu tyh.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

MATHAI 5:5

“Nônaipazy ama nohlao na, lei ryu ama to awpa vâta.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

HMOTAOPAZY 10:33

Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 5:4

Bie puapa reipa zy, bie hrupa reipa zy, saiso pathaih leipa bie reipa zy a ngia vei. Chazy taopa hlâta cha alyna bie tlao reih tyh muh vy.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

TITU 2:11

Khazohpa ngiachhiena cha a vaw luah ha ta, chyhsa zydua hnohta pachhana a vaw tlôkhei haw.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

ZÂMIE 5:20

a paviana lâpi tawhta moleipa a chhi pakhuatuhpa cha, thina tawhta a thlahpa a pachhapa châ aw ta, a moleina hluhpi a khupa haw tahpa a pahno mawh sy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 1:9

namâ ngiapâna chhâpa nama thlahpa pachhana cha nama hmô haw.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.