ZÂMIE 1:19 - Mara Bible RV (BSI)

¹⁹ Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:19 ပူးပေါင်းရင်းမြစ်များ

NEHEMIAH 8:18

Kyhchhi pathao noh tawhta pachhâ noh taihta, Ezrâ ta Khazohpa Ryhpa Châbu cha noh chareih ta reih ta. Kyhchhi cha noh sari hmâh ei ta, a noh chariena noh liata, biepiepa hawhta pakhypi pathaihpa hmâpa a châ.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

ZAWBÂ 32:16

Bie rei leipa ta a duah ei ta, Amâ chhy khao leipa chhao ta, Ei hâ thlâh chy aw ei ma?

BIESOZY 10:19

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 14:17

Pathi pachhohpa cha hru kawpa ta hmo tao ta, Hmo chhiepa tao â chhuahpa chhao a haopa a châ tyh.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 15:18

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

BIESOZY 15:2

Asopa paleih ta pahnona papua ta, Ahrupa pakah deikua cha bie hrupa a reih tyh.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 17:27

Bierei a chadopa cha chyhsa sopa châ ta, A reikah a sôhpa chhao chyhsa novâhpa a châ.

BIESOZY 18:13

Bie thei pasia hlâta achhyna a piepa chyhsa cha, A hruna nata a maophyuhna a palâsa.

BIESOZY 18:21

Paleih hmotaotheina liata thina nata hrona y ta, A pasôtuhpazy ta a theizy ama nie aw.

BIESOZY 19:11

Sona ta chyhsa palôh pasisa ta, Pasasana mopakhôpa cha a rônahna a châ.

BIESOZY 19:19

Pathi chhie ngaitapa chyhsa cha hriena â tyh aw, Na pachhapa chhao ta pachha chanei ngâ thlâh ha awpa a byuh aw.

BIESOZY 21:23

A pakah paleih a vaihpa cha, Nôpona tawhta a hro a vaihpa a châ.

BIESOZY 25:28

Anosasyh â pahnie leipa chyhsa cha, Khihpi chopa thokhy a hnei leipa hawhta a châ.

BIESOZY 29:20

Bie rei a chhaohdaolaohpa na hmô tyh ma? Cha chyhsa hlâta cha ahrupa châta hnabeiseihna a y via.

MALUHREINA 22:27

Alâ ta Abeipa vâlyuhchâpa a hmô nahta, Bâlâma cha a byukhei ha ta. Bâlâma cha a pathi ia ta, a chôchahrei ta alâ cha chhei ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MÂKA 12:37

Dâvi ta ano cha Abeipa a tah tlôh khiahta cha, kheihta ma Krista cha Dâvi sawchapawpa a châ thai aw?” tah ta. Zawpizy ta a ly ngaitapa ta a bie cha nathlie ei ta.

MÂKA 2:2

O a tlôh khao leina taihta chyhsa hluhpi a vypakhy ei ta, ochhi thaby lia taihta yna y leipa ta. Âmo cha bie pachu ta.

LUKA 15:1

Chhiekheituhpazy nata moleipazy ta a bie thei awpa ta a kiapâh lâ vaw pangai ei ta.

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 10:33

Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

KAOLAOSÂ 3:8

Tahmâ deikua cha, hiehâhna, pathichhiena, ahaona, reipachhiena nata bie puapa zy nama pakah tawhta nama pahlei awpa a châ.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

ZÂMIE 1:16

Unawh kho ngaitapa saih u, dôveipa ta y khah u.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 2:1

Unawh saih u, eima Beipa Zisu Krista, rônahna Beipa ngiapâtuhpa nama châpa hawhta, khokhei viapa hnei khuh vy.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 5:12

Châhrasala unawh saih u, cha zydua hlâta peimawh chaipa cha, chhiesa lei awpa a châ. Avâ reipa ta tlyma, alei reipa ta tlyma, hmo hropa kheihawhpa reipa ta tlyma, chhiesapa ta bie a taih leipa u la, thailei pachâsapa ta nama y lei nawpa ta, a châpa cha “a châ” tah u la, a châ leipa cha, “châ vei” tah lymâ teh u.

ZÂMIE 5:19

Unawh saih u, nama hry liata biehmeiseihpa tawhta pavia sala, ahy tlyma ta â vaw chhi heih khiahta cha,

1 ZAWHÂNA 2:21

Biehmeiseihpa nama pahno leipa vâta, nâmo lâ châ a vaw rohpa châ leipa na ta, biehmeiseihpa pahno ei chi ta, biehmeiseihpa tawhta haipa a pua beih leipa vâta ei vaw ropa a châ.