ZÂMIE 1:17 - Mara Bible RV (BSI)

¹⁷ Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZÂMIE 1:17 ပူးပေါင်းရင်းမြစ်များ

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

HLAZY 102:27

Nâ cha na ualua ta khâ y chi ta, Na kôzy ta chhâna noh hnei vei.

HLAZY 122:6

Zerusale thlalôhna châta thlahchhâ teh u! “Hy Zerusale, kyh châ pachâpazy vânoh topa ta y ei sala,

HLAZY 136:7

Khaihpa laipazy a taotuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

HLAZY 85:12

Abeipa ta hmo phapa pie aw ta, Eima râh liata kôvei a pha aw.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

ISAI 28:26

Leipalietuhpa cha a Khazohpa ta a phapa ta pachu ta, A taozie dopa a chho khai hapa a châ.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

MALUHREINA 11:25

Abeipa cha meihdo hry liata a zu ta, Mawsi cha bie a chho ta, ano liata thlahpa cha la ta, machâ sysarizy chô liata soh ta. Thlahpa ama chô liata a ypa nahta, machâzy cha hrohsona bie phuah ei ta. Châhrasala cha hawhta tao pazao ngâ thlâh ha veih ei.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 3:27

Zawhâna ta a chhy ta, “Vârâh tawhta piepa a châ vei khiahta la, chyhsapa ta khâpa hmah hnei thei vei.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.

PHILIPI 1:29

Krista namâ ngiapâpa dei châ leipa ta, ano vâta pasa nama tao awpa chhao pasaipa châ tlôh ta.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.

1 SAMUELA 15:29

Izarei Rônahna cha haipa bie reih leipa aw ta, a palôh anano hra aw vei. Ano cha chyhsapa hawhta a palôh anano thaipa châ vei,” tah ta.