ZÂMIE 1:16 - Mara Bible RV (BSI)

¹⁶ Unawh kho ngaitapa saih u, dôveipa ta y khah u.

ZÂMIE 1:16 ပူးပေါင်းရင်းမြစ်များ

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

MÂKA 12:24

Zisu ta ama hnohta, “Cha vâna chata vei ma nama pachâpasi tyh vei? Biehrai pahno leipa ei chi ta, Khazohpa hmotaotheina chhao pahno veih ei chi?

MÂKA 12:27

Khazohpa cha athihpazy Khazohpa châ leipa ta, ahrohpazy Khazohpa a châ. Nama pachâ chhei haw,” tah ta.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

KALATIA 6:7

Dôpa ta y khah u. Khazohpa cha pasipasawh awpa rimâ châ vei. Chyhsa ta chi a tupa maih, cha tlai cha a hria aw.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

KAOLAOSÂ 2:4

Ahy hmahta reikah thaipa ta ama cha dôvei lei nawpa ta, cha bie cha ei reih.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

2 TIMAWTHY 2:18

Biehmeiseihpa paviasai ei ta, thyuheihna a y haw tah ei ta, chyhsa thokha ngiapâna ama parao.

HEBRAI 13:1

Unawh kyhpachâna y lymâ mawh sy.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

ZÂMIE 2:1

Unawh saih u, eima Beipa Zisu Krista, rônahna Beipa ngiapâtuhpa nama châpa hawhta, khokhei viapa hnei khuh vy.

ZÂMIE 2:14

Unawh saih u, chyhsa ta, “Ngiapâna ei hnei,” tah sala, hmotaopa a hnei tlôh leipa khiahta cha, khâpa phahnaina a hnei? Cha hawhpa ngiapâna chata ano a pachha thei aw ma?

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

ZÂMIE 3:1

Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 5:12

Châhrasala unawh saih u, cha zydua hlâta peimawh chaipa cha, chhiesa lei awpa a châ. Avâ reipa ta tlyma, alei reipa ta tlyma, hmo hropa kheihawhpa reipa ta tlyma, chhiesapa ta bie a taih leipa u la, thailei pachâsapa ta nama y lei nawpa ta, a châpa cha “a châ” tah u la, a châ leipa cha, “châ vei” tah lymâ teh u.

ZÂMIE 5:19

Unawh saih u, nama hry liata biehmeiseihpa tawhta pavia sala, ahy tlyma ta â vaw chhi heih khiahta cha,