TITU 3:6 - Mara Bible RV (BSI)

⁶ Miah Pachhatuhpa Zisu Krista zawhzi ta eima chô liata Thlahpa Pathaihpa thata hrypa eima châ.

TITU 3:6 ပူးပေါင်းရင်းမြစ်များ

BIESOZY 1:23

Ei chhoreina lâ namâ vaw heih khiahta cha, Pachâ teh u, ei thlahpa cha hry aw ei na ta, Ei biezy ei cha pahnosa aw ei.

ISAI 32:15

Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

HMOTAOPAZY 10:45

Chopawtaipa sahlao hry liata Pity a vaw zipa ngiapâtuhpazy cha, Zenitaizy chô lia taihta Thlahpa Pathaihpa hmopiepa hrypa a châpa ama hmô nahta, ama noâh ngaita ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.