TITU 2:8 - Mara Bible RV (BSI)

⁸ Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.

TITU 2:8 ပူးပေါင်းရင်းမြစ်များ

NEHEMIAH 5:9

Chavâta ama hnohta, “Nama hmotaopa he pha vei. Eima chariah phophizy ta miah ama pahneisao lei nawpa ta, eima Khazohpa nama chi awpa châ vei ma?

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

MÂKA 12:17

Zisu ta ama hnohta, “Kaisarâ hmozy cha Kaisarâ pie u la, Khazohpa hmozy cha Khazohpa lâ pie teh u,” tah ta. Ama noâh ngaita ta.

MÂKA 12:28

Ryhpa pachutuhpazy hry liata pakha ano lâ a vy ta. Bie amâ ei ngâpa cha thei ta, a phapa ta â chhy lymâpa a hmô nahta, Zisu hnohta, “Biepiepa zydua hry liata khâpa ma a peimawh chai?” tahpa ta hiahri ta.

MÂKA 12:32

Ryhpa pachutuhpa ta a hnohta, “Pachutuhpa, na reipa â do na. Biedopa tlai na na reih. Khazohpa pakha deita y ta, ano leipa ta Khazohpa hropa rai y veih ei.

MÂKA 12:34

So ngaitapa ta â chhypa cha Zisu ta a hmô nahta, a hnohta, “Khazohpa khinarâh tawhta a hla va chi,” tah ta. Cha rakha tawhta cha, ahy hmahta bie hiahri ngâh khao veih ei.

LUKA 13:17

Cha biezy cha a rei nahta, a khakhaipa zydua cha nozapa ta y ei ta. Zawpi deikua cha hmo rônahpa a taopa zydua vâta a ly ngaita ei ta.

2 THYSALAWNIKA 3:14

Ahy rai, he châpaphaopa liata eima bie a zyh vei khiahta cha, cha chyhsa cha ngia u la, nozapa ta a y thei nawpa ta, a pahlao khuh vy.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

1 TIMAWTHY 6:3

Ahy rai biezyhpa hropa pachupa ta, eima Beipa Zisu Krista biedopa nata Khazohpa khozie hawhta hroh awpa pachunazy â pyh vei khiahta cha,

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 2:15

Cha cha Khazohpa khozie châ ta, ahrupazy ta pahno leina vâta bie ama reipazy cha, nama hmo pha taopa ta nama chalihsa thei aw.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.