TITU 2:6 - Mara Bible RV (BSI)

⁶ Cha hawhna chata chapaw thyutlia viapazy chhao, a sohsi theipa châ awpa ta pachu mah y.

TITU 2:6 ပူးပေါင်းရင်းမြစ်များ

ZAWBÂ 29:8

Nâ hmôpa satliazy a nyu ei ta, Machâpazy thyu ei ta amâ duah tyh;

HLAZY 148:12

Satlia laihsa saih u, Abeipa cha reithai u la; Machâ hawti saih u, Abeipa cha reithai teh u!

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

1 ZAWHÂNA 2:13

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, moleina nama tiah hapa vâta, nâmo lâ ei vaw roh. Sawzy saih u, Paw nama pahnopa vâta, nâmo lâ ei vaw roh.