TITU 2:5 - Mara Bible RV (BSI)

⁵ Khazohpa bie reipachhiepa ta a y lei nawpa ta, a sohsi theipa, chanô pathaihpa, o mohôhna rai a hriapa, nôphapa nata ama vahpazy rei a ngiahpa châ awpa ta pachu mah y.

TITU 2:5 ပူးပေါင်းရင်းမြစ်များ

ÂTHAONA 18:9

Âmo ta a hnohta, “Na lapinô Sârâ khataih liata a y?” tah ei ta. Ano ta, “Poh o chhôh liata a y,” tah ta.

ÂTHAONA 3:16

Chanô hnohta, “Sawphaona liata na rietheina thata papôh aw na ta, Riethei pasa ngaitapa ta saw na sa aw. Na khona cha na vahpa châta châ aw ta, Ano ta na chô liata bie a hnei aw,” tah ta.

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

BIESOZY 7:11

Reih hluhpa nata lieluh pâpaw a zohpa châ ta, O liata a phei ngia a ryh leipa a châ.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

HMOTAOPAZY 9:39

Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

RAWMA 14:16

Hmo phapa ta nama pachâpa cha, moleina hawhta pachâ awpa pasaih khuh vy.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 KAWRINI 11:3

He deikua he nama pahno awpa ei khoh: Chapaw luh cha Krista châ ta, chanô luh cha chapaw châ ta, Krista luh cha Khazohpa a châ.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

KAOLAOSÂ 3:18

Lapinô saih u, Abeipa liata namâ ngiarihpa hawhta, nama vahpazy liata a ngiarih teh u.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

1 TIMAWTHY 6:1

Khazohpa moh nata a pachunazy reipachhiepa ta a y lei nawpa ta, sei raopaky a kypazy ta ama zibeipazy cha za tlâhpa ta ama pachâ awpa a châ.

TITU 2:4

Nô laihsa viapazy cha ama vahpazy nata ama sawzy kyhpachâ awpa ta pachu la,