TITU 2:2 - Mara Bible RV (BSI)

² Pawhrâhpazy cha palôh pasohpa, zachhihpa, a sohsi theipa, ngiapâna patapa, kyhpachâna a hneipa nata daotheipa chyhsazy châ awpa ta pachu mah y.

TITU 2:2 ပူးပေါင်းရင်းမြစ်များ

ZAWBÂ 12:12

Machâpazy liata sona y ta, Hro pasina liata pahnona a y tyh.

HLAZY 92:14

Ama machâ tawh chhao ta khâ pathei ei ta, Ti ta bie ei ta khâ ama hroh sili.

BIESOZY 16:31

Luh pawhpa cha rônahna lakho châ ta, Siana hro vâta hmôpa a châ.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

THEIHTHAINA 19:32

“Luh pawhpa hmiakô liata nâ duah tyh awpa châ ta, machâpa hmia za aw chi ta, Khazohpa na chi awpa a châ. Kei he Abeipa ei châ.

MÂKA 5:15

Zisu kô ama kei tlô nahta, ahripa patupa, Zahluh kha chysia a tobipa ta, palôh sopa ta â tyu thlâh hapa hmô ei ta, chi ngaita ei ta.

LUKA 8:35

Khâpa hmo ma a tlô tahpa mo awpa ta chyhsazy pua ei ta, Zisu kô ama tlô nahta, ahripa ta a puasai hapa chyhsa kha, chysia a tobipa ta palôh pasohpa ta Zisu phei thaby liata â tyu thlâhpa hmô ei ta, chi kaw ei ta.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

1 KAWRINI 9:25

Ataopasuana liata a hlaopazy cha, kyh toti liata amâ sohsi tyh. Âmo cha lakho rao theipa hmô awpa ta tei ei ta, keimo deikua cha, lakho rao thei leipa hmô awpa ta eima tei.

2 KAWRINI 5:13

Eima hru khiah, Khazohpa châta châ ta; eima so khiah, nâmo châta a châ.

KALATIA 5:23

areisina nata asohsina zy a châ. Thlahpa theilâpazy chakhianazie ta ryhpa biepiepa rai y vei.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 THYSALAWNIKA 5:8

Keimo deikua cha, noh chyhsazy eima châpa vâta, ngiapâna nata kyhpachâna chachôhna vyhphao a kypa ta, pachhana hnabeiseihna lakhu a khu sih la, palôh pasohpa ta y suh u.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.

1 TIMAWTHY 1:2

ngiapâna liata ei sawchapaw hmeiseihpa Timawthy ei châ naoh. Paw Khazohpa nata Krista Zisu eima Beipa tawhta ngiachhiena, zawngiahna nata thlalôhna na hnohta y mawh sy.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 3:4

A chhôhkha khihsatôhtu a phapa ta mohôh thei ta, a sawzy ta zapa ta a rei amâ ngiahpa a châ awpa a châ.

1 TIMAWTHY 3:8

Cha hawhna chata chakaotuhpazy chhao chyhsa zachhihpa, haipa bie a reih leipa, kresawhti parâ leipa nata avyuhna ta athôhna a tlua leipa ama châ awpa a châ.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

TITU 1:13

Cha bie cha â do. Chavâta ngiapâna liata â dopa ta ama y thei nawpa ta, a pasa kawpa ta âmo cha chhorei mah y.

TITU 1:8

Khichhai a pasôpa, phana a khohpa, a sohsi theipa, chyhsa siapa, chyhsa pathaihpa, sasyh a vao pahniepa a châ awpa a châ.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

PHILEMAW 1:9

kyhpachâna vâta, kei, Pawla, pawpipa nata tahmâ Krista Zisu vâta a tâhpa heta, â haw ta ei châ haw.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,