TITU 1:9 - Mara Bible RV (BSI)

⁹ Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.

TITU 1:9 ပူးပေါင်းရင်းမြစ်များ

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

ZAWBÂ 27:6

Ei siana khâchâ patu aw na ta, Pathlie beih aw va na; Ei noh hmâ hapazy vâta, Ei palôh ta na maochhie vei.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

HMOTAOPAZY 18:28

Vâtlâh pahnopa ta Zuzy cha thatlô ngaitapa ta ama bie padei lymâ ta, Biehrai a tlychakapa ta, Zisu cha Mesia a châ tahpa a chhopasia tyh ei.

1 KAWRINI 14:24

Nama zydua ta bie nama chho khiahta deikua cha, ngiapâleipa tlyma, khôtho chyhsa tlyma a vaw ngia sala, a thaileizie nama zydua ta nama palâsapa châ aw ta, nama zydua ta nama pasiapa a châ aw.

1 THYSALAWNIKA 5:21

ato pasiapa ta, a phapa maih a pyh u la,

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

1 TIMAWTHY 1:19

Ngiapâna nata chhie nata pha pahnona pathaihpa khâchâ patu mah y. Chyhsa thokha ta chazy cha dytha ei ta, balyh raopa hawhta, amâ ngiapâna ama parao haw.

1 TIMAWTHY 4:9

Cha bie cha ngâ a chhih ta, a pyh tlâh a châ ngaita.

1 TIMAWTHY 6:3

Ahy rai biezyhpa hropa pachupa ta, eima Beipa Zisu Krista biedopa nata Khazohpa khozie hawhta hroh awpa pachunazy â pyh vei khiahta cha,

2 TIMAWTHY 1:13

Krista Zisu liata a ypa ngiapâna nata kyhpachâna hneipa ta, siezie awpa biedopa kei tawhta na theipazy kha zi mah y.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.

2 TIMAWTHY 3:14

Nâ deikua cha, ahy tawhta a chupa ma na châ tahpa pahnopa ta, nâ chupa nata â ipa ta nâ ngiapâpa liana khata y lymâ mah y.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

TITU 2:1

Nâ deikua cha, biezyhpa dopa nata a ryhpa ta pachu mah y.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.

BIEPHUAH 2:25

Nama hnei chiehpa deikua kha, ei vy hlâlei khâchâ patu ha muh vy.

BIEPHUAH 3:11

Ei vy patoh aw. Ahy hmahta na lakho ama cha lapa lei nawpa ta, na hnei chiehpa kha khâchâ patu mah y.

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.