TITU 1:6 - Mara Bible RV (BSI)

⁶ Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

TITU 1:6 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

BIESOZY 28:7

Ryhpa a zyhpa cha sawchapaw sopa châ ta, Azohpazy viasa deikua cha a paw no a paza tyh.

EZEKIA 44:22

Nôhmei tlyma, mapa chanô tlyma, lapinô ta ama hnei awpa châ leipa ta, Izarei pathla laihsa kôpa tlyma, theihthaipa ta a thisaipa nôhmei tlyma deita ama hnei awpa a châ.

THEIHTHAINA 21:14

Nôhmei tlyma, a vahpa nata a chhaihpa tlyma, chanô papuapalei hapa tlyma, âzuahnô tlyma a hnei awpa châ vei. Ano chiheih laihsa kôpa lapinô ta a hnei awpa a châ.

THEIHTHAINA 21:7

Theihthaipa cha a Khazohpa châta chyhsa pathaihpa a châpa vâta, âzuahnô tlyma, chanô papuapalei hapa tlyma ama hnei awpa châ vei. A vahpa nata a chhaihpa chanô chhao ama hnei awpa châ vei.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

LUKA 1:5

Zudia bei Herawda daihti liata, Abizah py liata theihthaipa pakha, a moh Zekaria ama tahpa y ta. Cha chyhsa chata Arawna pathla hry liatapa Elizabe cha lapinô ta hnei ta.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

1 TIMAWTHY 3:12

Chakaotuhpazy cha lapinô pakha dei a hneipa ama châ awpa châ ta, ama sawzy nata ama chhôhkha khihsatôhtuna a phapa ta mohôh theipa ama châ awpa a châ.

TITU 1:10

Ryhpa a zyh khoh leipa, bie a reih chakhyhpa nata chyhsa dôvei hmâhpa hluhpi, a eih pachaipa ta, chopawtaipazy hry liata ama y.

1 SAMUELA 2:11

Chatanachata Elkânâ cha Râmâ liata a o lâ a di ta. Hawtipa deikua cha theihthaipa Eli hmiakô liata Abeipa chakao ha ta.

1 SAMUELA 2:22

Eli cha machâ kaw bâ ta, Izarei zydua chô liata a sawchapawzy hmotaopa zydua nata ahmaohna poh o chhikao liata chakaotuhpa chanôzy amâ ziakhei tyhpa kyhzy thei tyh ta.