TITU 1:16 - Mara Bible RV (BSI)

¹⁶ Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

TITU 1:16 ပူးပေါင်းရင်းမြစ်များ

ZAWBÂ 15:16

Chyhsa pasichhihpa nata avyuhpa, Ti hawhta adoleina a dohpa chhochhi cha, A mohmô liata a tloh lei pachai aw dia!

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MALUHREINA 24:16

Khazohpa biezy thei ta, Chônôchaipa pahnona pahno ta, Atotaotheipa aluahna hmô ta, Pao ta, mâ lâ hawhta y ta, Châhrasala a mo a padeih thlâhpa bie daopa a châ:

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

2 TIMAWTHY 3:17

Chatanachata Khazohpa chyhsa cha pakipa ta y aw ta, raihria phapa to châta tobipa ta a y aw.

TITU 3:1

Ngiapâtuhpazy cha ryureituhpazy nata biehneituhpazy liata a ngiarih ei sala, reingiahpa ta, hmo pha tao a mâ awpa ta chho chanei mah y.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.

1 SAMUELA 15:24

Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.