TITU 1:15 - Mara Bible RV (BSI)

¹⁵ Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

TITU 1:15 ပူးပေါင်းရင်းမြစ်များ

BIESOZY 21:4

Mo a sâhpa nata palôh laipa cha moleina châ ta, Cha cha moleipa meiôh a châ.

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

HÂKAI 2:13

Hâkai ta, “Cha khiahta la, athihpa ri a hriapa vâta pathaih leipa chyhsa ta he hmo miakha he hria ha sala, cha hmo cha pathaih leipa lâta â lie aw ma?” tahpa ta theihthaipazy cha hiahri heih ta. Theihthaipazy ta, “Pathaih leipa lâta â lie aw,” tah ei ta.

MATHAI 15:18

Châhrasala pakah tawhta a puapa cha, pathipalôh tawhta a kaw puapa a châpa vâta, cha tlai chata chyhsa a papuapalei tyh.

HMOTAOPAZY 10:15

A ei nona ta ao vaw pua heih ta, “Khazohpa ta a pathaisa hapa cha, nâma ta âna tah khah y,” tah ta.

RAWMA 14:14

Abeipa Zisu liata pathaih leipa khâpa hmah y vei tahpa a siapa ta ei pahno. Pathaih leipa hawhta a pachâpa châta deikua cha, pathaih leipa a châ.

RAWMA 14:20

Niepa vâta Khazohpa raihria parao khah y. Hmo to a pathaih khai. Châhrasala niepa ta chyhsa a chapiasa khiahta cha, a nietuhpa cha a do vei.

RAWMA 14:23

A lôh leipa ta a niepa deikua cha, ngiapâna ta a nie leipa vâta thailei a châ. Khâpa rai ngiapâna tawhta a pua leipa cha moleina a châ.

1 KAWRINI 10:23

“Ato zydua ei châta tao pasaipa a châ,” châhrasala ato tao khaipa pha hlei vei. “Ato tao pasaipa a châ,” châhrasala ato taopa ta chyhsa taopathi hlei vei.

1 KAWRINI 10:25

Sa zuana liata ama zuapa maih cha, chhie nata pha pahnona hmâpa ta, khâpa hmah hiahri leipa ta nie thlâh ha mah y.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 8:7

Cha pahnona cha chyhsa zydua ta hnei veih ei. Chyhsa thokha cha nothlahpa a chhy tyhpa ama châpa vâta, nothlahpa lâ hlâ hapa hawh tlai ta pachâpa ta nie ei ta, ama chhie nata pha pahnona a thatlô leipa vâta, pathaih leipa hawhta pachâpa ama a châ.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!