TITU 1:10 - Mara Bible RV (BSI)

¹⁰ Ryhpa a zyh khoh leipa, bie a reih chakhyhpa nata chyhsa dôvei hmâhpa hluhpi, a eih pachaipa ta, chopawtaipazy hry liata ama y.

TITU 1:10 ပူးပေါင်းရင်းမြစ်များ

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

HMOTAOPAZY 11:2

Chatanachata Pity cha Zerusale lâ a khy nahta, chopawtaipa sahlao ta ano cha reipachhie ei ta, a hnohta,

HMOTAOPAZY 15:1

Chyhsa thokha Zudia râh tawhta a zu ei ta, “Mawsi ryhpa hawhta chopaw namâ tai leipa khiahta la, pachhapa châ thei aw veih ei chi,” tahpa ta unawhzy pachu ei ta.

HMOTAOPAZY 15:24

“Eima hry liata chyhsa thokha ta keimo biepie leipa ta nâmo lâ a zu ei ta, ama bie reipa ta cha patypamâ ei ta, noraihpa ta ama cha paysapa thâtih eima vaw thei.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

1 TIMAWTHY 1:6

Chyhsa thokha cha, chazy vâta pavia ei ta, hraoleipa biezy reina lâta ama tlei tyh.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

2 TIMAWTHY 4:4

Ama nahzy cha biehmeiseihpa lâ pahei leipa aw ei ta, phôhpazy lâ ama pahei aw.

TITU 1:6

Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

BIEPHUAH 2:6

Nikôla py hmotaopazy nâ haopa kyh liata deikua cha, na tao pha kaw. Cha cha kei chhao ta ei hao hra.