THEIHTHAINA 9:7 - Mara Bible RV (BSI)

⁷ Chatawhcha Mawsi ta Arawna hnohta, “Maisâh a vaw hnia la, na moleina hlâna nata na raopa hlânazy vaw hlâ la, nâma châta nata zawpi châta chatlaina tao teh. Abeipa biepiepa hawhta, zawpi vyuhpa ta hmohlâpa hlâ la, ama châta chatlaina tao teh,” tah ta.

THEIHTHAINA 9:7 ပူးပေါင်းရင်းမြစ်များ

THEIHTHAINA 16:11

“Arawna ta ano châta moleina hlâna viahchao tôhpa cheih aw ta, ano nata a chhôhkhazy châta chatlaina tao aw ta, ano châta moleina hlâna viahchao tôhpa cha a thie aw.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 16:6

“Arawna ta ano moleina hlâna châta viahchao tôhpa hlâ aw ta, ano nata a chhôhkha châta chatlaina a tao aw.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 8:34

Tanoh ta taopa hawhna heta, nama châta chatlaina tao awpa ta Abeipa ta bie a pie.

THEIHTHAINA 9:2

Arawna hnohta, “Moleina hlâna châta viahchao tôh dawpa nata raopa hlâna châta mietaku tôhpa, seina hnei leipa raihrie a chhi la, Abeipa hmiakô liata hlâ mah y.

HEBRAI 5:1

Theihthai beichaipa cha, chyhsazy vyuhpa ta Khazohpa nata azaona rai hria awpa ta chyhsazy hry tawhta atlyhpa châ ta, moleinazy châta hmopiepa nata atheihnazy hlâ awpa ta raopa a châ.

HEBRAI 5:3

Cha hawhta a châpa vâta, chyhsazy moleina châta atheihna a hlâpa hawhta, ano moleinazy châta chhao atheihna a hlâ tyh.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.

1 SAMUELA 3:14

Chavâta Eli pathlazy moleina cha atheihna ta tlyma, hmohlâpa ta tlyma, khati ta hmahta pathaisa theipa châ khao aw vei, tahpa ta Eli pathlazy hnohta bie ei vaw taih haw,” tah ta.