THEIHTHAINA 9:3 - Mara Bible RV (BSI)

³ Izarei sawzy chho la, ama hnohta, ‘Moleina hlâna châta mie tôhpa nata raopa hlâna châta viahchaotaw nata mietakutaw kô khapa raihrie, seina a hnei leipazy cheih u la,

THEIHTHAINA 9:3 ပူးပေါင်းရင်းမြစ်များ

ÂTHAONA 37:31

Zawsi viahkao pasipa cha la ei ta, mietaw thie ei ta, a thisaih liata viahkao pasipa cha ny ei ta.

EZRÂ 10:19

âmo chata ama lapinôzy a chhaih awpa ta bie a taih ei ta, ama thaileichâna atheihna hlâna châta mietaku zaw tawhta mietaku tôhpa pô kha ama hlâ.

EZRÂ 6:17

Khazohpa o hlâna liata viahchao tôhpa 100, mietaku tôhpa 200, mietakutaw 400 hlâ ei ta. Izarei zydua châta moleina hlâna atheihna châta, Izarei chi zie hawhta, mie tôhpa pô 12 ama hlâ hra.

PUASAINA 12:5

Nama mietakutaw cha seina a hnei leipa, a chapawpa kô khapa a châ awpa châ ta, mietaku hry liatapa tlyma, mie hry liatapa tlyma namâ so thei.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

THEIHTHAINA 10:16

Mawsi ta moleina hlâna châta hlâpa mie thâtih cha pakhâta ta patluah ta, rao hapa a châpa pahno ta. Chavâta Arawna sawchapaw a hrohpa Eliaza nata Ithamâ chô liata a hiehâh kaw ta, ama hnohta,

THEIHTHAINA 12:6

“Sawchapaw vâta tlyma, sawchanô vâta tlyma, â pathaina noh â ki nahta, raopa hlâna châta mietakutaw kô khapa nata moleina hlâna châta pivaw taw tlyma vachhuh tlyma, ahmaohna poh o chhikao liata theihthaipa lâta a cheih awpa a châ.

THEIHTHAINA 14:10

“A noh chariena noh ta mietakutaw chapawpa seina hnei leipa pô no, mietakutaw chanôpa kô khapa seina hnei leipa pô kha nata niepa hlâna châta viahdie dipa sathaw pahlaopa kachu su hrawh su thôh nata sathaw chhiehraôh ôh kha a hlâ aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 16:5

Izarei zawpi tawhta moleina hlâna châta mie tôhpa pô no nata raopa hlâna châta mietaku tôhpa pô kha a la aw.

THEIHTHAINA 23:12

Sapiah nama chaluah noh ta, mietakutaw chapawpa kô khapa, seina hnei leipa cha, raopa hlâna ta Abeipa lâta nama hlâ aw.

THEIHTHAINA 4:23

Moleina hmo a taopa cha â vaw pahno nahta, hmohlâpa châta mie tôhpa seina hnei leipa a hlâ awpa a châ.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 9:2

Arawna hnohta, “Moleina hlâna châta viahchao tôh dawpa nata raopa hlâna châta mietaku tôhpa, seina hnei leipa raihrie a chhi la, Abeipa hmiakô liata hlâ mah y.

THEIHTHAINA 9:4

Abeipa hmiakô liata aryhna hlâna atheihna châta viahchao tôhpa nata mietaku tôhpa cheih hra u la, sathaw pahlaopa niepa hlâna chhao cheih u la, Abeipa lâ hlâ teh u. Tanoh he nama hnohta Abeipa â vaw luah aw,’ tah mah y,” tah ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.