THEIHTHAINA 9:24 - Mara Bible RV (BSI)

²⁴ Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

THEIHTHAINA 9:24 ပူးပေါင်းရင်းမြစ်များ

ÂTHAONA 15:17

Noh tla ta a vaw zoh nahta, lômathu tawhta meikhuh nata meirei tawhta meipaleih ia ngâpa a vaw luah ta, sa patlawpazy likawh liata vaw sie pahlie ta.

ÂTHAONA 17:3

Abarâ cha â khu lâta pao ta, Khazohpa ta a hnohta,

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

1 THÂTIHZYRONA 21:26

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Abeipa pado ta, Abeipa ta avâ tawhta mei ta a zâ chhy ta, raopa hlâna chô liata mei za tla ta.

2 THÂTIHZYRONA 6:2

Châhrasala na chhâzaw pahrâna su châta, O rônahpa ei cha sapa haw,” tah ta.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

THEIHTHAINA 10:2

Abeipa tawhta mei vaw pua ta, âmo cha kâsao ta, Abeipa hmiakô liata thi ha ei ta.

THEIHTHAINA 6:13

Maisâh liata mei a ia ngâ thlâh ha awpa a châ, a thi awpa châ vei.

MALUHREINA 14:5

Mawsi nata Arawna cha Izarei zawpi pôhpakhypa zydua hmiakô liana cha â khu lâta pao ei ta.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.

BIEPHUAH 7:11

Vâlyuhchâpa zydua cha beidyuchhai nata machâzy nata hmohrohneipa miapalihzy chadôpa ta a duah ei ta, beidyuchhai hmiakô liata â khu lâta pao ei ta,

RYUREITUHPAZY 13:23

Châhrasala a lapinô ta a hnohta, “Abeipa ta thie miah â chhuah khiahta cha, raopa hlâna nata niepa hlânazy kha a pyh aw vei. He hmo zydua he miah pahmôsa leipa aw ta, he hawhpa hmozy chhao he miah chho hra aw vei,” tah ta.

RYUREITUHPAZY 6:21

Abeipa vâlyuhchâpa ta a chôchahrei chabapa pawhmao ta sa nata viahchhâ cha kei saoh ta, lôpanô tawhta mei vaw pua ta, sa nata viahchhâ thinô pahlao leipa cha a kâ khai haw. Chatawhcha Abeipa vâlyuhchâpa ta Kidia cha siesai ha ta.