THEIHTHAINA 9:23 - Mara Bible RV (BSI)

²³ Mawsi nata Arawna cha ahmaohna poh o liata a kei ngia ei ta, vaw pua heih ei ta, zawpi châta byhnâ aw ei ta. Abeipa rônahna chyhsa zydua chô liata a vaw luah ta.

THEIHTHAINA 9:23 ပူးပေါင်းရင်းမြစ်များ

2 THÂTIHZYRONA 7:1

Sawlawmaw ta thlah a chhâ khaipata nahta, avâ tawhta mei za tla ta, raopa hlâna nata atheihna sazy kâ khai ta, Abeipa rônahna ta Achhyna o cha bie ha ta.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

PUASAINA 39:43

Mawsi ta raihria zydua cha moh ta, Abeipa biepiepa hawhta paloh khaipa a châpa hmô ta, chatanachata Mawsi ta âmo cha byhnâ a awpa ei.

THEIHTHAINA 9:4

Abeipa hmiakô liata aryhna hlâna atheihna châta viahchao tôhpa nata mietaku tôhpa cheih hra u la, sathaw pahlaopa niepa hlâna chhao cheih u la, Abeipa lâ hlâ teh u. Tanoh he nama hnohta Abeipa â vaw luah aw,’ tah mah y,” tah ta.

THEIHTHAINA 9:6

Mawsi ta, “Abeipa rônahna nama hnohta â vaw luah thei nawpa ta, hetana heta tao awpa ta Abeipa ta bie a cha pie ei,” tah ta.

MALUHREINA 14:10

Châhrasala zawpi pôhpakhypazy chata Zawsua nata Kâlebâ cha alô ta vaw awpa ta pahrua ei ta. Abeipa rônahna cha Izarei saw zydua hnohta ahmaohna poh o liata a zâ luah ta.

MALUHREINA 16:19

Kôrâ ta zawpi zydua cha Mawsi nata Arawna chakhia awpa ta ahmaohna poh o chhikao liata pahmaoh ta. Zawpi zydua hnohta Abeipa rônahna a vaw luah ta.

MALUHREINA 16:42

Mawsi nata Arawna chakhiapa ta zawpi amâ hmaoh hai nota, ahmaohna poh o lâ a kei heih ei ta, meihdo ta ahmaohna poh o cha vaw khu ta, Abeipa rônahna a vaw luah ta.