THEIHTHAINA 8:35 - Mara Bible RV (BSI)

³⁵ Ahmaohna poh o chhikao liata noh sari chhôh chhô nah zâ ta y aw ei chi ta, nama thi lei nawpa ta, Abeipa biepiepa cha nama zyh awpa a châ. Cha cha ei hnohta biepiepa a châ,” tah ta.

THEIHTHAINA 8:35 ပူးပေါင်းရင်းမြစ်များ

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

PUASAINA 29:35

“Bie ei cha piepa zydua hawhna khata Arawna nata a sawchapawzy chô liata tao aw chi ta, âmo chahnao awpa ta noh sari chhôh na panano tua awpa ei a châ.

EZEKIA 43:25

Noh sari chhôh cha, moleina hlâna châta noh chareih ta mie tôhpa hlâ aw chi ta, viahchao hri hry tawhta seina hnei leipa viahchao tôhpa nata mietaku zaw hry tawhta seina hnei leipa mietaku tôhpa zy na hlâ aw.

EZEKIA 48:11

Cha su pathaihpa cha Zadô pathla theihthaipa panano eihpazy châta a châ aw. Âmo cha Izarei sawzy ama tlei nota, Livai chizy chhao ta ama tlei hapa hawhta tlei hra leipa ei ta, ei bie a zyhtuhpazy tlao ama châ.

THEIHTHAINA 10:1

Arawna sawchapawpa Nâdâ nata Abihu ta ropahâhpa ama raona byh la chyu ei ta, a chhôh liata mei soh ei ta, ropahâhpa mia ei ta, Abeipa ta âmo bie a pie leipa mei hropa hmâpa ta Abeipa hmiakô liata hlâ ei ta.

THEIHTHAINA 14:8

“Pathaisa awpa chyhsa cha a chysiazy pasu aw ta, a hmi zydua a ngyu aw ta, ti ta a ngai a si aw ta, a pathaih ha aw. Cha khai tawhta riehmo lâ a ngia thei aw ta, châhrasala a poh o khôtho liata noh sari a y chy awpa a châ.

THEIHTHAINA 8:30

Mawsi ta sathaw pathaihpa nata maisâh liata thisaihzy la ta, Arawna nata a chysiazy thia ta, a sawchapawzy nata a ama chysiazy chhao thia hra ta. Cha hawhna chata Arawna nata a chysiazy cha pathaisa ta, a sawchapawzy nata ama chysiazy chhao a hnohta pathaisapa a châ hra.

THEIHTHAINA 8:34

Tanoh ta taopa hawhna heta, nama châta chatlaina tao awpa ta Abeipa ta bie a pie.

THEIHTHAINA 8:36

Chatanachata Abeipa ta Mawsi hmâpa ta bie a piepa zydua cha Arawna nata a sawchapawzy ta tao khai ei ta.

MALUHREINA 19:12

Noh thôhna noh nata noh sarina noh liata apathaina ti ta a pathai aw ta, chatanachata a pathaih aw. Noh thôhna noh nata a noh sarina noh liata â pathai vei khiahta deikua cha, pathaih aw vei.

MALUHREINA 3:7

Âmo ta theihthaipa Arawna nata zawpi zydua chakaona rai ahmaohna poh o hmiakô liata hria aw ei ta, achhyna byureih chakaona rai ama hria aw.

MALUHREINA 9:19

Meihdo ta achhyna byureih chô liata noh hluhpi a ypa chhao ta, Izarei sawzy cha Abeipa bie zyh ei ta a pasie veih ei.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

1 TIMAWTHY 1:18

Ei saw Timawthy y, nâma kyh liata hrohsona bie phuah chhieliepa hawhna khata, adyuhna phapa ta nâ dyuh thei nawpa ta, he biepiepa he na chô liata ei pahnieh.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

1 TIMAWTHY 6:13

Hmo to hrona a pietuhpa Khazohpa nata Pawtia Pilâ hmiakô liata biedopa a duakheituhpa Krista Zisu mohmô liata bie ei cha pie.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.