THEIHTHAINA 8:33 - Mara Bible RV (BSI)

³³ Nâmo chahnao awpa ta noh sari byuh ta, chavâta chahnaona nohzy nama châta â ki hlâlei cha, noh sari chhôh ahmaohna poh o chhikao tawhta nama pua awpa châ vei.

THEIHTHAINA 8:33 ပူးပေါင်းရင်းမြစ်များ

PUASAINA 29:30

Theihthaipa châ awpa ta ano a thlatuhpa a sawchapaw ta, su pathaihpa liata chakaona rai hria awpa ta ahmaohna poh o liata â ngia tita, chysia pathaihpazy cha noh sari chhôh â tobi aw.

PUASAINA 29:35

“Bie ei cha piepa zydua hawhna khata Arawna nata a sawchapawzy chô liata tao aw chi ta, âmo chahnao awpa ta noh sari chhôh na panano tua awpa ei a châ.

THEIHTHAINA 14:8

“Pathaisa awpa chyhsa cha a chysiazy pasu aw ta, a hmi zydua a ngyu aw ta, ti ta a ngai a si aw ta, a pathaih ha aw. Cha khai tawhta riehmo lâ a ngia thei aw ta, châhrasala a poh o khôtho liata noh sari a y chy awpa a châ.

THEIHTHAINA 15:13

“Hniah hneipa cha a hniah tawhta a pathaih ha khiahta cha, ano pathaisana châta noh sari hmâh aw ta, a chysiazy pasu aw ta, chavah ti liata a ngai a si aw ta, chatanachata a pathaih ha aw.

THEIHTHAINA 8:34

Tanoh ta taopa hawhna heta, nama châta chatlaina tao awpa ta Abeipa ta bie a pie.

MALUHREINA 19:12

Noh thôhna noh nata noh sarina noh liata apathaina ti ta a pathai aw ta, chatanachata a pathaih aw. Noh thôhna noh nata a noh sarina noh liata â pathai vei khiahta deikua cha, pathaih aw vei.