THEIHTHAINA 8:3 - Mara Bible RV (BSI)

³ zawpi zydua cha ahmaohna poh o chhikao chheipâh liata kei pahmaoh teh,” tah ta.

THEIHTHAINA 8:3 ပူးပေါင်းရင်းမြစ်များ

1 THÂTIHZYRONA 13:5

Dâvi ta Izi chavah Sihô tawhta Lebôhamâ taihta a ypa Izarei saw zydua cha, Kiriaziari khihpi liata a ypa Khazohpa Byh cha kei la awpa ta awpakhy ta.

1 THÂTIHZYRONA 15:3

Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

2 THÂTIHZYRONA 30:13

Thla nona liata, viahchhâ thinô pahlao leipa kyhchhi hnei awpa ta, chyhsa hluhpi Zerusale liata tlôpakhy ei ta. Zawpi ama hluh ngaita.

2 THÂTIHZYRONA 30:2

Abei nata a beimachâzy nata Zerusale zawpi zydua ta ryhrao ei ta, thla nona liata Zawpakhô kyhchhi hnei awpa ta a vaw chhuah tua ei ta.

2 THÂTIHZYRONA 30:25

Chatanachata Zudâh zawpizy, theihthaipazy nata Livai sahlaozy, Izarei maw lâ râh tawhta a vaw tlôpa zawpizy, Izarei maw lâ râh tawhta chihropa a vaw tlôpazy nata Zudâh râh liata chihropa a pahrâpazy cha a ly ngaita ei ta.

2 THÂTIHZYRONA 5:2

Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua Zerusale liata awpakhy ta.

2 THÂTIHZYRONA 5:6

Bei Sawlawmaw nata a hmiakô liata Izarei zawpi a hmaohpakhypa zydua cha, Byh hmiakô liata y ei ta, mietaku nata viahchao tôhpa hluhpi ta atheihna hlâ ei ta, a hluhzie cha paki tiah awpa nata rei tiah awpa châ vei.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

HLAZY 22:25

Pakhypi rônahpa liata cha reithai aw na ta, Nâma châ chituhpazy hmiakô liata ei bietai ei patlô aw.

THEIHTHAINA 14:11

A pathaisatuhpa theihthaipa ta a pathaisa awpa chyhsa nata cha hmozy cha ahmaohna poh o chhikao liata Abeipa hmiakô ta a soh aw.

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

THEIHTHAINA 8:4

Mawsi cha Abeipa biepiepa hawhta tao ta, zawpi zydua cha ahmaohna poh o chhikao chheipâh liata ypakhy ei ta.

MALUHREINA 20:8

“Chôchahrei la la, nâ nata na unawhpa Arawna ta zawpizy pahmaoh u la, ti papua awpa ta, ama mohmô liata lôpanô chho mah y. Lôpanô tawhta ti a puapa cha âmo lâ cheih aw chi ta, zawpi nata ama sahrohzy cha ti do awpa na pie aw ei,” tah ta.

MALUHREINA 21:16

Cha su tawhta Be khihpi lâ sie ei ta. Be cha tikhaoh tahna châ ta, Abeipa ta Mawsi hnohta, “Zawpizy awpakhy la, ti ei pie aw ei,” a tahna su kha a châ.

MALUHREINA 8:9

Livai pathlazy cha ahmaohna poh o hmiakô lâ a chhi aw chi ta, Izarei zawpi zydua na awpakhy aw ei.

HMOTAOPAZY 2:1

Pentikaws noh a vaw tlô nahta, ama zydua ta su kha liata y pakhy khai ei ta.