THEIHTHAINA 8:14 - Mara Bible RV (BSI)

¹⁴ Chatawhcha moleina hlâna viahchao tôhpa a vaw chhi ta, Arawna nata a sawchapawzy ta moleina hlâna viahchao tôhpa luh chô liata ama ku pahnieh ei ta.

THEIHTHAINA 8:14 ပူးပေါင်းရင်းမြစ်များ

HLAZY 66:15

Sa thawhpazy ta raopa hlânazy cha hlâ aw na ta, Mietaku tôhpazy ta châ theihpa ta, Viahchao tôhpazy nata miezy ei cha hlâ aw. Selah

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

EZEKIA 43:19

na chakao awpa ta nâ vaw hniapa Livai chi Zadô pathla theihthaipazy hnohta, moleina hlâna châta viahchao hri tawhta a tôh dawpa na pie awpa a châ, Abeipa Zehôvâh ta a tah.

EZEKIA 43:20

A thisaih la aw chi ta, maisâh ki miapalih nata a tlâhkhai ki palihzy nata a tlâh padôpazy liata na hnia aw. Cha hawhna chata maisâh cha pathaisa aw chi ta, chatlaina na taopa aw.

EZEKIA 44:27

Su Pathaihpa liata chakao awpa ta, dôhpachhôh tlyhmia liata nata Su Pathaihpa liata â ngia noh ta, a moleina hlâna a hlâ awpa a châ, Abeipa Zehôvâh ta a tah.

THEIHTHAINA 1:4

Raopa hlâna luh chô liata a ku pahnieh aw ta, chatanachata ano chatlaina châta raopa hlâna cha ano vyuhpa ta a pyhpa a châ aw.

THEIHTHAINA 16:21

Arawna ta mie hrohpa luh chô liata a ku kârano pahnieh aw ta, Izarei sawzy paraona, tao pasina nata moleina zydua mie chô liata palâhâh aw ta, chazy cha mie luh chô liata a soh khai aw. Mie cha rao eihpa chyhsa ku liata pie aw ta, râhchawhpa lâ a kei pathliesa aw.

THEIHTHAINA 16:6

“Arawna ta ano moleina hlâna châta viahchao tôhpa hlâ aw ta, ano nata a chhôhkha châta chatlaina a tao aw.

THEIHTHAINA 4:15

Zawpi chhituhpa machâzy ta viahchao tôhpa luh chô liata Abeipa hmiakô ta ama ku pahnieh aw ei ta, viahchao tôhpa cha Abeipa hmiakô liata ama thie aw.

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

MALUHREINA 8:12

Livai pathlazy ta viahchao tôhpazy luh liata ama ku pahnieh aw ei ta, âmo châta chatlaina tao nawpa ta, moleina hlâna châta pô kha hlâ aw chi ta, raopa hlâna ta pô kha na hlâ aw.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.