Arawna nata a pathlazy deikua cha, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.
“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.
Cha chysiazy cha na unawhpa Arawna nata a sawchapawzy pakysa aw chi ta, theihthaipa rai hriapa ta eina chakao thei nawpa ei ta, âmo cha sathawthupa ta, chahnao aw chi ta, na pathaisa aw ei.
“Arawna nata a sawchapawzy ta theihthaipa rai hriapa ta eina chakao thei nawpa ei ta, âmo cha pathaisa awpa châ ta, ama chô liata hetana heta na tao awpa a châ. Viahchao tôh dawpa pô kha nata mietaku tôhpa seina hnei leipa pô no la aw chi ta,
“Arawna chysia pathaihpazy cha a sawchapawzy ta to pachhuah lymâ aw ei ta, cha chysia pathaihpazy a tobina chôta sathawthupa nata chahnaopa ama châ aw.
Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.
Chatanachata ahmaohna poh o liata achhyna byureih raihria zydua cha palohpa châ ta, Abeipa ta tao awpa ta Mawsi hnohta bie a piepa zydua hawhta Izarei sawzy ta tao ei ta.
Ama hmohlâpazy Abeipa lâta vaw cheih awpa ta, Abeipa ta Sinai râhchawhpa liata Izarei sawzy bie a pie noh ta, Sinai Tlâh liata Mawsi hnohta bie a piepa a châ.
