THEIHTHAINA 7:18 - Mara Bible RV (BSI)

¹⁸ Aryhna hlâna châta atheihna sa kheihawhpa rai, a noh thôhna noh ta ama nie khiahta cha, atheihna cha a pyhpa châ aw vei. Hlâtuhpa chhao hmo a hlâpa hawhta pachâpa châ aw vei. Hmo pathaih leipa châ aw ta, a niepa maihta a hmo paraona maoh ama phaoh aw.

THEIHTHAINA 7:18 ပူးပေါင်းရင်းမြစ်များ

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

ISAI 65:4

Thlâzy liata a tyuh ei ta, Su dâhthlohpazy liata amâ rie tyh; Vao sa zy nie ei ta, Ama beihzy liata sa pathaih leipazy yna chôta,

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 14:10

He phopi kyh liata, Abeipa ta hetana heta a tah: “Viavi awpa khoh kaw ei ta, Ama phei chakâna a sohsi veih ei; Chavâta Abeipa ta âmo cha a pyh leipa ta, Ama paraona a thei thlâh ha aw ta, Ama moleinazy vâta a hrie aw ei.”

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

THEIHTHAINA 10:17

“Khazia moleina hlâna sa cha, supathaihpa su liata nama nie vei? Cha cha hmo pathaih ngaitapa châ ta, zawpi thaileichâna phaoh ta, Khazohpa hmiakô liata âmo châta chatlaina tao nawpa ta nama hnohta piepa châ vei ma?

THEIHTHAINA 10:19

Arawna ta Mawsi hnohta, “Pachâ teh, tanoh he ama moleina hlâna nata ama raopa hlâna Abeipa hmiakô liata hlâ ei ta, cha nota, kha hawhpa hmo kha ei chô liata vaw tlô ta, chavâta tanoh he moleina hlâna nie aw sah la, Abeipa mohmô ta hmo phapa a châ aw ma?” tah ta.

THEIHTHAINA 11:41

“Alei chô liata alyhpasa chi zydua pasichhihpa châ ei ta, nie awpa châ vei.

THEIHTHAINA 17:16

A chysiazy pasu leipa sala, a ngai â si vei khiahta cha, a paraona maoh a phaoh aw,” tah ta.

THEIHTHAINA 19:5

“Abeipa lâta aryhna hlâna atheihna namâ hlâ tita, a pyhpa nama châ thei nawpa ta nama hlâ awpa a châ.

THEIHTHAINA 20:17

“Chyhsa ta a sietanô, a paw sawchanô tlyma, a nô sawchanônô tlyma hneipa ta, a sietanô thluahruana hmôpa ta, a sietanô chhao ta a rilâhpa thluahruana a hmô khiahta cha, nozachhih ngaitapa châ ta, ama phopi chyhsazy mohmô liata pahleipadia awpa ama châ. A sietanô thluahruana a palâpa châ ta, a paraona maoh a phaoh aw.

THEIHTHAINA 20:19

Na nô narônô hno tlyma, na paw sietanô hno tlyma, na ty awpa châ vei. Chhôhkha sipa hnotypa châ ta, ama pano ta ama hmo paraona maoh ama phaoh aw.

THEIHTHAINA 22:16

Chataleipatala hmo pathaihpazy niepa ta ama thaileichâna maoh ama phaoh pathlei aw. Kei he Abeipa âmo pathaisatuhpa ei châ,” tah ta.

THEIHTHAINA 22:23

Lôhthai hmohlâpa châta viahchao tôhpa tlyma, mietakutaw tlyma, kuphei seih tupa tlyma, chyu tupa tlyma hlâ thei aw ei chi ta, bietai patlô nawpa ta hmohlâpa châta deikua, cha hawpa cha a pyhpa châ aw vei.

THEIHTHAINA 22:25

Cha hawhpa sahrohzy cha chihropa tawhta lapa ta, nama Khazohpa nie awpa ta nama hlâ awpa châ vei. Raona âmo liata y ta, seina ama hneipa vâta, nama châta a pyhpa châ aw vei,” tah ta.

THEIHTHAINA 5:17

“Abeipa ta tao lei awpa ta bie a piepa kheihawhpa tlyma chyhsa ta tao sala a molei khiahta cha, pahno leipa ta a tao pathleipa a châpa chhao ta, thaileichâ pyly aw ta, a paraona maoh a phaoh aw.

THEIHTHAINA 7:19

“Hmo pathaih leipa kheihawhpa rai a hriapa sa cha, nie awpa châ vei. Mei ta rao awpa a châ. Sa hropazy deikua cha, chyhsa pathaihpazy ta ama nie thei.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALAKHAI 1:13

‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALUHREINA 18:27

Cha hmohlâpa cha, sawhri liata sâh nata kresawhti saohna tawhta kresawhti a puapa hawhta nama châta pachâpa a châ aw.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.