THEIHTHAINA 7:16 - Mara Bible RV (BSI)

¹⁶ Â theihna hlâna cha bietai hlâna tlyma, lôhthai hlâna tlyma a châ khiahta deikua cha, atheihna a hlâ noh ta nie awpa châ ta, nie laipa cha a mylâ ta nie theipa a châ.

THEIHTHAINA 7:16 ပူးပေါင်းရင်းမြစ်များ

HLAZY 116:14

A chyhsa zydua hmiakô liata, Abeipa liata ei bietaizy ei patlô aw.

HLAZY 116:18

A chyhsa zydua hmiakô liata, Abeipa liata ei bietaizy ei patlô aw.

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

BIESOZY 7:14

“Aryhna hlâna atheihnazy ei hlâ awpa châ ta, Tanoh kha ei bietai ei patlô haw.

EZEKIA 46:12

Abei ta Abeipa lâta lôhthai hmohlâpa châta raopa hlâna tlyma, aryhna hlâna tlyma a hlâ tita, nochhi lâ a heihpa chhikao cha ano châta pahypa châ aw ta, Pahânoh ta a taopa hawhta, raopa hlânazy nata aryhna hlânazy cha a hlâ aw. Cha khai tawhta pua aw ta, a pua khai tawhta chhikao cha khawpa a châ aw.

THEIHTHAINA 22:23

Lôhthai hmohlâpa châta viahchao tôhpa tlyma, mietakutaw tlyma, kuphei seih tupa tlyma, chyu tupa tlyma hlâ thei aw ei chi ta, bietai patlô nawpa ta hmohlâpa châta deikua, cha hawpa cha a pyhpa châ aw vei.

THEIHTHAINA 22:29

Abeipa lâta alyna biereina atheihna nama hlâ tita, a pyh tlâh châ awpa ta atheihna cha nama hlâ awpa a châ.

THEIHTHAINA 23:38

Chazy cha Abeipa Pahânohzy liata pie awpa nama hmosaipiepazy, nama bietai zydua nata nama lôhthai hmopiepa zydua khô lâta Abeipa lâta nama pie awpazy a châ.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

RYHPACHANEINA 12:26

Nama hlâ awpa hmo pathaihpazy nata pie awpa ta bie namâ taihpazy deikua cha cheih aw chi ta, Abeipa ta su a rao awpa lâ nama sie aw.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.