THEIHTHAINA 7:13 - Mara Bible RV (BSI)

¹³ Alyna biereina châta aryhna hlâna atheihnazy liata deikua cha, viahchhâ thinô pahlaopa a hlâ aw.

THEIHTHAINA 7:13 ပူးပေါင်းရင်းမြစ်များ

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

THEIHTHAINA 2:12

Niepa hlânazy cha thei hmiatuapa hlâpa hawhta Abeipa lâta hlâ aw chi ta, maisâh liata ropahâhpa hlâna châta deikua hmâ awpa châ vei.

THEIHTHAINA 23:17

Chaluahpa hlâna ta Abeipa lâ thei hmiatuapazy hlâ awpa ta, nama pahrâna suzy tawhta, viahchhâ tlâ no nata viahdie dipa thinô pahlaopa ta taopa kachu su hrawh su no nama cheih awpa a châ.

THEIHTHAINA 23:18

Viahchhâ hlâ nota, mietakutaw kô khapa seina hnei leipa pô sari, viahchao tôh dawpa pô kha nata mietaku tôhpa pô no nama hlâ awpa a châ. Chazy cha Abeipa lâta raopa hlâna châ aw ta, ama niepa hlâna nata ama dopa hlânazy chhaota Abeipa lâta raopa hlâna ropahâh ngaitapa a châ aw.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.