THEIHTHAINA 6:5 - Mara Bible RV (BSI)

⁵ Haipa ta bie â taihpa hmo zydua â kipa ta thô khai aw ta, thailei a châna noh liata, hneituhpa hnohta su pangawh su kha a baichha aw.

THEIHTHAINA 6:5 ပူးပေါင်းရင်းမြစ်များ

2 SAMUELA 12:6

ngiachhiena rai hnei leipa ta, cha hawhpa hmo cha a taopa vâta, mietakutaw cha a lie palih ta a thô awpa a châ,” tah ta.

NEHEMIAH 10:35

Kô chareih eima chhaohlei a pathei tuapazy nata tho thei a pathei tuapa maih Abeipa o lâ eima cheih lymâ aw.

PUASAINA 22:1

“Chyhsa ta viahchao tôhpa tlyma, mietaku tlyma paru sala, a thie khiahta tlyma, a zuah khiahta tlyma, viahchao tôhpa pô kha vyuhpa ta viahchao tôhpa pô pangawh thô aw ta, mietaku pô kha vyuhpa ta mietaku pô palih a thô aw.

PUASAINA 22:4

“Parupa viahchao tôhpa tlyma, alâ tlyma, mietaku tlyma, parutuhpa ku liata ahrohpa ta hmôpa a châ khiahta cha, a lie no ta a thô awpa a châ.

PUASAINA 22:7

“Chyhsa ta a tâkâ tlyma, a hmo tlyma, a vaih pavaosa sala, cha o tawhta chyhsa ta paru sala, parutuhpa cha hmôpa a châ khiahta cha, a lie no ta a thô awpa a châ.

PUASAINA 22:9

“Parupa hmo maih, viahchao tôhpa tlyma, alâ tlyma, mietaku tlyma, chysia tlyma, hmo leipa khâpa rai, chyhsa ta, ‘He he kei eih a châ,’ a tah khiahta cha, ama pano likah biepeipa cha, Khazohpa hnohta tlôkheipa châ aw ta, Khazohpa ta thailei a pachâsapa ta a lie no ta a vaih cha a thô awpa a châ.

PUASAINA 30:7

Arawna ta maisâh chô liata ropahâhpa rao tyh aw ta, my chareih ta meiôhzy a patohpatia tita a rao tyh aw.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ISAI 58:9

Cha tina cha Abeipa pado aw chi ta, A cha chyh-ei aw; Abeipa lâ awh aw chi ta, ‘He liata ei y,’ a cha tah aw. Nama hry tawhta raopaky la la, Kudy ta dypâpa hmâh khao leipa la, Bie chhiepa reih khao khah y.

EZEKIA 33:15

moleipa ta sôhkâ a lapazy pakuapa ta, hmo a parupazy pie pakhua sala, hrona bieraopazy a chhihpa ta, hmo pha leipa a tao leipa khiahta cha, a hroh tlai aw, thi aw vei.

THEIHTHAINA 5:16

Hmo pathaihpa chô liata â doleipa ta a taopa cha thô aw ta, su pangawh su kha baichha aw ta, theihthaipa a pie aw. Theihthaipa ta thaileichâna hlâna mietaku tôhpa ta chatlaina taopa aw ta, chatanachata a ngiahthaipa a châ aw.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.